İs-sharanyń maqsaty:týǵan tilge degen qurmet pen súıispenshilikti, sondaı-aq, ózge ulttardyń mádenıeti men dástúrin tanyp, bilýge baǵyttalǵan Memlekettik tildi damytý, mártebesin kóterý, til tazalyǵyn saqtaý. Ana tiline degen súıispenshiligin qalyptastyrý.Til-memlekettiń tuǵyrly tiregi, halyqtyń rýhanı baılyǵy, ótkeni men bolashaǵynyń aıqyn kórinisi. Ana tiliniń qadir-qasıetin bile bilgen halqymyz ony ulttyń rýhyna, qazyna baılyǵyna balaıdy. Sebebi, til – halyqtyń jany, sáni, tutastaı keskin-kelbeti, ulttyq bolmysy.
Adamdy muratqa jetkizetin – ana tili men ata dástúri. Bizdiń osyndaı halyqtyq qasıetti muramyz, ana tilimiz – qazaq tili.Til – táýelsizdiktiń aıǵaǵy. Til men egemendik egiz uǵym. Tilsiz- táýelsizdik, egemendiksiz- til bolmaq emes.
Til – táýelsizdiktiń qýatty tiregi, birlik pen yntymaqtyń jyǵylmas týy. Qazaq eli táýelsiz memleket bolyp ornaǵaly shırek ǵasyrǵa taıaý ýaqyt boldy.Tilsiz qoǵamnyń qandaı túri bolsa da ómir súre almaqshy emes, ol tildiń ózi qoǵam bar jerde ǵana paıda bolyp, ómir súredi. Demek, qoǵamnan tys, bólek til joq. Til – qoǵamnyń jemisi.
Ulttyń mádenıettiń gúldenýi men adamdardyń tarıhı qalyptasqan turaqty qaýymdastyǵy retinde ulttyń óziniń bolashaǵy ana tildiń damýyna, onyń qoǵamdyq qyzmetiniń keńeıýimen tyǵyz baılanysty. Sondyqtan týǵan tilge degen súıispenshilik bala kezeńnen bastalýy tıis. Aınalańdy tanyp bilý, týǵan tilińdi bilýden bastalady.
Daýbasova S.Sh.
ál-Farabı atyndaǵy Qazaq ulttyq ýnıversıtetiniń zań fakúlteti qylmystyq quqyq,qylmystyq is júrgizý jáne krımınalısıka kafedrasynyń oqytýshysy
1 kýrs 111 top stýdenti Jeńis Qaraqat
