Таяу Шығыстың бірқатар елінде әуе жолының жабылуына байланысты сапары тоқтап қалған ресейлік туристерге кеткен шығын өтелетін болды. Бұл туралы Ресей үкіметінің төрағасы Михаил Мишустин мәлімдеді, деп хабарлайды Dalanews.kz. 

Премьер-министрдің айтуынша, үкімет арнайы қаулы қабылдап, туристердің шығынын өтеу тетігін бекітті. Өтемақы туроператорлардың жеке жауапкершілік қоры есебінен төленуі мүмкін. Бұл мүмкіндік туристік жолдаманы компания арқылы сатып алып, сапарын 28 ақпан мен 31 наурыз аралығында жоспарлаған азаматтарға қатысты болады.

Мишустиннің сөзінше, өтемақы алу үшін қажет құжаттарды туроператорлар дайындауы тиіс. Сонымен қатар туристік компанияларға қолдау көрсету мақсатында олардың бірінші тоқсан бойынша қорға аударуы тиіс жарналарының мерзімі екі айға шегерілді. Яғни төлемді 15 сәуірдің орнына 15 маусымға дейін кейінге қалдыруға мүмкіндік берілді.

Ресей үкіметінің мәліметінше, ақпан айының соңынан бастап Таяу Шығыстағы бірқатар мемлекеттің әуе кеңістігі уақытша жабылды. Олардың қатарында United Arab Emirates, Bahrain, Israel, Iraq, Iran, Qatar, Kuwait, Oman, Saudi Arabia және Syria бар. Осыған байланысты көптеген саяхатшы жоспарлаған сапарына шыға алмай қалған.

Үкімет басшысы қабылданған шешім туристік саланы қолдауға және сапары кейінге шегерілген ондаған мың азаматтың шығынын өтеуге көмектеседі деген үміт білдірді.