Алматы облысында су тасқыны салдарынан зардап шеккен өңірлерге көмек көрсетуге бағытталған еріктілер штабының жұмысы жалғасуда. Бұл маңызды жайт 300-ден астам еріктінің басын біріктірді. Осы еріктілердің ішінде 150 адам гуманитарлық көмек жинаумен, тағы 100 адам сұрыптаумен айналысады, ал 45 медиа еріктілер ақпараттық қолдау мен оқиғаларды жариялауға белсенді қатысады.
Олардың бірлескен күш-жігері айтарлықтай нәтиже бергені анық.
Мәди Ахметов әр қатысушының үлесінің маңыздылығын атап өтті. "Акцияның алғашқы күндерінен бастап 60 тоннадан астам гуманитарлық көмек жиналды, оның ішінде қажетті заттар, азық — түлік, киім-кешек, төсек-орын жабдықтары мен тұрмыстық техника бар", - деді ол.
Мұндай іс-шараларды сәтті өткізуде қаржылық қолдау да шешуші рөл атқаратыны сөзсіз. Өңірдің ірі кәсіпкері қаржылық көмек ретінде бірыңғай арнайы шотқа 30 миллион теңге бөлді. Бұл бизнес-қауымдастықтың ортақ игілікке қалай үлес қоса алатынының жарқын мысалы. Алайда, қоғамның қолдауынсыз гуманитарлық көмек көрсету мүмкін емес.
Еріктілер, кәсіпкерлер, этномәдени бірлестіктердің өкілдері, "Аманат" партиясының мүшелері және облыс тұрғындары ортақ іске бірікті. Қазіргі уақытта облыстық жастар ресурстық орталығының базасында құрылған "Күшіміз-бірілкте" штабының еріктілері жиналған көмекті тиеп, "Қазақстан темір жолының" қолдауымен вагондарды жөнелтуге дайындайды.
Таяу уақытта су тасқынынан зардап шеккен Батыс Қазақстан облысының тұрғындарына 60 тонна гуманитарлық көмек жеткізілетін болады.
Бұл еріктілер бастамасы бірлескен күш-жігер мен жалпы қолдаудың қиындықтарды қалай жеңе алатынын және оған мұқтаж адамдарға нақты көмек әкелетінін айқын көрінісі болды
