Стратегиялық жоспарлау және реформалар агенттігінің баспасөз қызметінің жетекшісі болып Арайлым Мейіржан тағайындалды, деп хабарлайды Dala News.

Арайлым Мейіржанның медиа, мемлекеттік коммуникациялар және ақпараттық-имидждік жобаларды іске асыру саласында 8 жылдық тәжірибесі бар.

2020–2024 жылдары Мәдениет және ақпарат министрлігінің Ақпарат комитетінде жұмыс істеді. Тағайындалғанға дейін Өнеркәсіп және құрылыс министрлігінің БАҚ-пен өзара іс-қимыл және азаматтардың өтініштерімен жұмыс жөніндегі басқармасын басқарған.

Жаңа қызметінде ол Агенттіктің ақпараттық саясатын үйлестіріп, қоғаммен және медиа кеңістікпен байланысын нығайтуға жауапты болады.