Қазақстанның хоккейден ұлттық құрамасы әлем чемпионатының элиталық дивизионындағы орнын қайта сақтап қалды. Бұл нәтиже ел спорты үшін маңызды жетістікке айналып, хоккейдің қазақстандық жанкүйерлер үшін ғана емес, Škoda бренді үшін де айрықша мәнге ие екенін тағы бір мәрте көрсетті, деп хабарлайды dalanews.kz.
Škoda Auto бірнеше жылдан бері хоккейден әлем чемпионатының ресми демеушісі болып келеді. Бұл серіктестік Гиннестің рекордтар кітабына әлемдік спорт тарихындағы ең ұзақ бас демеушілік келісім ретінде енген. Осылайша хоккей Škoda бренді үшін жай спорт түрі емес, компанияның жаһандық болмысының бір бөлігіне айналған.
Осы тұрғыдан алғанда, Қазақстан құрамасының әлемдік хоккей элитасына қайта оралуы Škoda Qazaqstan үшін де маңызды оқиға болды. Компания бұл жетістікті тек спорттағы нәтиже емес, командалық рух пен алға ұмтылыстың символы ретінде бағалайды.
"Қазақстан құрамасының әлем чемпионатының элиталық дивизионына қайта оралуы — бүкіл қазақстандық спорт үшін маңызды оқиға. Бұл жетістіктің артында табандылық, мінез және үнемі алға ұмтылу жатыр. Біз ойыншыларды, бапкерлер штабын және жанкүйерлерді осы табыспен құттықтаймыз. Командаға әлемдік аренада жарқын ойындар мен жаңа жеңістер тілейміз", — деді Қазақстандағы Škoda дистрибуциясының басшысы Андрей Тананыкин.
Еуропалық бренд Қазақстан нарығына 2024 жылы ресми түрде қайта оралды. Компанияның елдегі дистрибьюторы әрі өндірістік серіктесі — Allur автомобиль компаниясы. Қазіргі таңда Škoda — Қазақстан аумағында құрастырылатын жалғыз еуропалық автомобиль бренді. Көліктер Қостанайдағы Allur зауытында шығарылады.
Компания өкілдерінің айтуынша, Škoda Auto-ның ұлттық хоккей құрамасына қолдау көрсетуі брендтің Қазақстан нарығына және өңірдегі спорт мәдениетінің дамуына ерекше көңіл бөлетінін көрсетеді.
Сонымен қатар бұл бастама Škoda Qazaqstan үшін брендтің жаһандық дәстүрін жергілікті аудиториямен байланыстыруға мүмкіндік береді. Өйткені хоккей Қазақстанда жанкүйерлерді біріктіретін маңызды спорт түрлерінің бірі саналады.
Брендтің ел нарығына қайта оралуымен бірге қазақстандық сатып алушылар Škoda-ның жаңа модельдеріне қол жеткізді. 2025 жылы компания Қазақстанда жаңа буындағы Kodiaq, Octavia және төртінші буындағы Škoda Superb модельдерінің сатылымы басталғанын жариялады.
Бұдан бөлек, Škoda Qazaqstan мәдени және қоғамдық бастамаларға да қатысып келеді. Компания мұндай жобаларды заманауи орта қалыптастырып, жергілікті қауымдастықты дамытуға және ортақ құндылықтарды нығайтуға бағытталған ұзақмерзімді жұмыстың бір бөлігі ретінде қарастырады.
Қазақстан құрамасының әлем чемпионаты элитасына қайта оралуы биылғы спорт маусымындағы маңызды оқиғалардың біріне айналды. Ал Škoda Qazaqstan үшін бұл нәтиже брендтің хоккеймен байланысқан жаһандық тарихының Қазақстандағы жалғасы болды.
