Qazaqstannyń hokkeiden ulttyq quramasy álem chempionatynyń elitalyq divizionyndaǵy ornyn qaita saqtap qaldy. Bul nátije el sporty úshin mańyzdy jetistikke ainalyp, hokkeidiń qazaqstandyq jankúierler úshin ǵana emes, Škoda brendi úshin de airyqsha mánge ie ekenin taǵy bir márte kórsetti, dep habarlaidy dalanews.kz.
Škoda Auto birneshe jyldan beri hokkeiden álem chempionatynyń resmi demeýshisi bolyp keledi. Bul seriktestik Ginnestiń rekordtar kitabyna álemdik sport tarihyndaǵy eń uzaq bas demeýshilik kelisim retinde engen. Osylaisha hokkei Škoda brendi úshin jai sport túri emes, kompaniianyń jahandyq bolmysynyń bir bóligine ainalǵan.
Osy turǵydan alǵanda, Qazaqstan quramasynyń álemdik hokkei elitasyna qaita oralýy Škoda Qazaqstan úshin de mańyzdy oqiǵa boldy. Kompaniia bul jetistikti tek sporttaǵy nátije emes, komandalyq rýh pen alǵa umtylystyń simvoly retinde baǵalaidy.
"Qazaqstan quramasynyń álem chempionatynyń elitalyq divizionyna qaita oralýy — búkil qazaqstandyq sport úshin mańyzdy oqiǵa. Bul jetistiktiń artynda tabandylyq, minez jáne únemi alǵa umtylý jatyr. Biz oiynshylardy, bapkerler shtabyn jáne jankúierlerdi osy tabyspen quttyqtaimyz. Komandaǵa álemdik arenada jarqyn oiyndar men jańa jeńister tileimiz", — dedi Qazaqstandaǵy Škoda distribýtsiiasynyń basshysy Andrei Tananykin.
Eýropalyq brend Qazaqstan naryǵyna 2024 jyly resmi túrde qaita oraldy. Kompaniianyń eldegi distribiýtory ári óndiristik seriktesi — Allur avtomobil kompaniiasy. Qazirgi tańda Škoda — Qazaqstan aýmaǵynda qurastyrylatyn jalǵyz eýropalyq avtomobil brendi. Kólikter Qostanaidaǵy Allur zaýytynda shyǵarylady.
Kompaniia ókilderiniń aitýynsha, Škoda Auto-nyń ulttyq hokkei quramasyna qoldaý kórsetýi brendtiń Qazaqstan naryǵyna jáne óńirdegi sport mádenietiniń damýyna erekshe kóńil bóletinin kórsetedi.
Sonymen qatar bul bastama Škoda Qazaqstan úshin brendtiń jahandyq dástúrin jergilikti aýditoriiamen bailanystyrýǵa múmkindik beredi. Óitkeni hokkei Qazaqstanda jankúierlerdi biriktiretin mańyzdy sport túrleriniń biri sanalady.
Brendtiń el naryǵyna qaita oralýymen birge qazaqstandyq satyp alýshylar Škoda-nyń jańa modelderine qol jetkizdi. 2025 jyly kompaniia Qazaqstanda jańa býyndaǵy Kodiaq, Octavia jáne tórtinshi býyndaǵy Škoda Superb modelderiniń satylymy bastalǵanyn jariialady.
Budan bólek, Škoda Qazaqstan mádeni jáne qoǵamdyq bastamalarǵa da qatysyp keledi. Kompaniia mundai jobalardy zamanaýi orta qalyptastyryp, jergilikti qaýymdastyqty damytýǵa jáne ortaq qundylyqtardy nyǵaitýǵa baǵyttalǵan uzaqmerzimdi jumystyń bir bóligi retinde qarastyrady.
Qazaqstan quramasynyń álem chempionaty elitasyna qaita oralýy biylǵy sport maýsymyndaǵy mańyzdy oqiǵalardyń birine ainaldy. Al Škoda Qazaqstan úshin bul nátije brendtiń hokkeimen bailanysqan jahandyq tarihynyń Qazaqstandaǵy jalǵasy boldy.
