– Сөз реті келіп тұрғанда айта кетейін, осы Жаркент қаласында облыс әкімінің резиденциясы тұр. 2013 жылы салынған. Ғимарат көлемі 910 (тоғыз жүз он) шаршы метр. Жер көлемі – бір гектар.
Маған сол резиденцияның еш қажеттілігі жоқ. Ауданға келсем, Жаркентте қонатын жап-жақсы қонақ үйлер бар. Тамақты дәмді дайындайтын дәмхана, кафе көп. Сондықтан, резиденцияны балаларды реабилитациялау орталығына өткізіп беремін.
Бұл резиденцияны реабилитациялау орталығына айналдыру ерекше балаларды бағып-қағып отырған ата-анаға, өмір сүру үшін әр сәтте күреске түскен ерекше балаларға аса қажет деп ойлаймын, – деді Алматы облысының әкімі Қанат Бозымбаев.
