2025 жылдың 15 ақпанында Ресейде жер сілкінісі тіркелді. Шығыс Қазақстан облысының тұрғындары да 2-3 баллдық жер асты дүмпулерін сезді, деп жазады Dalanews.kz.
ҚР ТЖМ "СБЗҰҒО" ЖШС сейсмикалық станциялар желісінің деректері бойынша, жер сілкінісі бүгін Астана уақытымен сағат 06:48-де болған.
"Жер сілкінісінің ошағы Ресей территориясында Алматы қаласынан солтүстік-шығысқа қарай 1225 шақырым қашықтықта орналасқан", делінген хабарламада.
Жер сілкінісі мынандай елдімекендерде сезілді:
- 3 балл: Катон - Балқарағай ауылы, Марқакөл ауылы, Үлкен-Нарын ауылы, Алтай қаласы (Зырян), Боран ауылы,Зайсан, Күршім, Самар ауылы;
- 2 балл: Риддер қаласы, Көкпекті, Ақсуат, Қалбатау, Бородулиха, Семей, Жоламан, Мақаншы, Үржар, Аягөз қаласы, Бесқарағай, Қарауыл.
