Қазақстанда сағат 20:00-де барлық сайлау учаскесі жабылды. Енді комиссиялар бюллетеньдерді санауға кіріседі, деп хабарлайды Dalanews.kz.
15 наурызда сағат 07:00-де елдің барлық өңірінде дауыс беруге арналған 10 388 учаске ашылды. Учаскелер 13 сағат жұмыс істеп, кешкі 20:00-де жабылды.
Енді учаскелік комиссиялар дауыстарды санауға кіріседі. Одан кейін бюллетеньдер жоғары тұрған аумақтық сайлау комиссияларына жіберіледі. Кейін олар Орталық референдум комиссиясына жолданады.
Референдумның қорытындысы 2026 жылғы 21 наурызға дейін жарияланады.
Айта кетейік, сағат 20.00-дегі жағдай бойынша 9 126 850 азамат бюллетень алған.
