Қытайда жаңа тұрғын үйлердің бағасы шілдеде төмендеуін жалғастырғанымен, жылдық құлдырау қарқыны сәл баяулады, деп хабарлайды dalanews.kz.
Ұлттық статистика бюросының мәліметінше, жаңа тұрғын үй бағасы шілдеде маусыммен салыстырғанда 0,1%-ға төмендеді. Жылдық есепте баға 3,2%-ға түсті. Маусымда жылдық төмендеу 3,3% болған. (Reuters)
Зерттеуге алынған 70 қаланың тек 17-сінде тұрғын үй бағасы айлық көрсеткіш бойынша өскен. Бұл Қытайдағы жылжымайтын мүлік нарығындағы қалалар арасындағы айырмашылықтың сақталып отырғанын көрсетеді.
Тұрғын үй секторындағы әлсіз сұраныс Қытай экономикасына қысым жасауды жалғастыруда. Шілдеде бөлшек сауда мен өнеркәсіп өндірісінің өсімі де сарапшылар күткеннен төмен болды. Ал жылжымайтын мүлік саласындағы сатылым, инвестиция және жаңа құрылыс көлемі төмендеді.
Қытайдың тұрғын үй нарығы бес жылдан бері дағдарыстан шыға алмай келеді. Сарапшылар нарықтағы жағдайдың жақсаруы әзірге тұрақты әрі кең ауқымды сипатқа ие болмайтынын атап өтті.
