Qytaida jańa turǵyn úilerdiń baǵasy shildede tómendeýin jalǵastyrǵanymen, jyldyq quldyraý qarqyny sál baiaýlady, dep habarlaidy dalanews.kz.
Ulttyq statistika biýrosynyń málimetinshe, jańa turǵyn úi baǵasy shildede maýsymmen salystyrǵanda 0,1%-ǵa tómendedi. Jyldyq esepte baǵa 3,2%-ǵa tústi. Maýsymda jyldyq tómendeý 3,3% bolǵan. (Reuters)
Zertteýge alynǵan 70 qalanyń tek 17-sinde turǵyn úi baǵasy ailyq kórsetkish boiynsha ósken. Bul Qytaidaǵy jyljymaityn múlik naryǵyndaǵy qalalar arasyndaǵy aiyrmashylyqtyń saqtalyp otyrǵanyn kórsetedi.
Turǵyn úi sektoryndaǵy álsiz suranys Qytai ekonomikasyna qysym jasaýdy jalǵastyrýda. Shildede bólshek saýda men ónerkásip óndirisiniń ósimi de sarapshylar kútkennen tómen boldy. Al jyljymaityn múlik salasyndaǵy satylym, investitsiia jáne jańa qurylys kólemi tómendedi.
Qytaidyń turǵyn úi naryǵy bes jyldan beri daǵdarystan shyǵa almai keledi. Sarapshylar naryqtaǵy jaǵdaidyń jaqsarýy ázirge turaqty ári keń aýqymdy sipatqa ie bolmaitynyn atap ótti.
