Құлсары қаласында салынып жатқан мектептің шатыры қирады, деп хабарлайды Dalanews.kz.
1200 орынға есептелген білім ошағы «Келешек мектептері» ұлттық жобасы аясында бой көтеруде. Нысанды пайдалануға беру 2025 жылдың соңына жоспарланған.
«Samruk-Kazyna Construction» АҚ алдын ала деректерді жариялады. Компанияның хабарлауынша, төбенің опырылуына құрылыс материалдарын дұрыс қоймау және сақтау талаптарының бұзылуы себеп болған.
Нақтырақ айтқанда, спорт залының шектеулі бөлігіне салмағы 6 тоннадан асатын шатыр жабындылары жиналып қойылған. Бұл жағдай сол аумақтағы құрылымға зақым келтірген.
