Қызылорда облысындағы Қазалы теміржол вокзалына жөндеу жұмыстары жүргізіледі. Ғасырдан астам тарихы бар ғимаратты қайта жаңғырту үшін «Қазақстан темір жолы» ҰК» АҚ 861,2 млн теңге бөледі. Бұл жұмыс сәуір айында басталмақ,- деп хабарлайды Dalanews.kz

Ал бүгінде вокзал маңындағы теміржол үстінен өтетін жаяу жүргіншілер көпірінің құрылысы жүріп жатыр. Оған компаниядан 1,3 млрд теңге қаржы бөлінген. 

"Көпір арқылы Қазалы ауданының Әйтеке би кентінен теміржолдың арғы бетіне күніне 500-ден астам тұрғын қатынайды. Соған сәйкес вокзал ғимаратын қайта жаңғыртумен қатар көпір құрылысын да тезірек, сапалы аяқтауға мән беріледі. Бұл жұмыстарға әкімдік тарапынан жан-жақты қолдау көрсетіледі", - деді аудан әкімі Мейрамбек Шермағанбет.