29 қазанда Дөң тау-кен байыту комбинатына қарасты Қазақстан Тәуелсіздігінің 10 жылдығы атындағы шахтада қайғылы жағдай болды, деп хабарлайды dalanews.kz.
Алдын ала мәліметке сәйкес, вагондарды тіркеу кезінде тау-кен жұмысшысы жарақат алған. Ол шұғыл түрде Хромтау аудандық ауруханасына жеткізілді. Алайда дәрігерлердің барлық әрекетіне қарамастан, қызметкердің өмірін сақтап қалу мүмкін болмады.
"Қазхром" компаниясы марқұмның туған-туыстары мен жақындарына көңіл айтып, оларға қажетті көмек пен қолдау көрсетілетінін мәлімдеді.
Оқиғаның себептері мен мән-жайын анықтау үшін арнайы комиссия құрылып, тергеп-тексеру жүргізіледі. Қазіргі уақытта тиісті жұмыстар басталды.
