2025 жылдың шілдесінде қазақстандықтар Астана күніне орай қосымша демалыс алады, деп хабарлайды Dalanews.kz.
Астана күні жыл сайын 6 шілдеде аталып өтеді. Алайда 2025 жылы бұл күн жексенбіге сәйкес келетіндіктен, “Қазақстан Республикасындағы мерекелер туралы” заңға сәйкес демалыс дүйсенбі – 7 шілдеге ауыстырылады.
Осылайша бес күндік жұмыс аптасындағылар 5, 6 және 7 шілде күндері (сенбі, жексенбі, дүйсенбі) қатарынан үш күн демалады.
Алты күндік жұмыс кестесі бар азаматтар үшін 5 шілде – жұмыс күні, ал 6 және 7 шілде – демалыс болып есептеледі.
Айта кетейік, 6 шілде күні елдің барлық өңірінде ауқымды мерекелік шаралар ұйымдастырылады. Әсіресе Астанада түрлі концерттер, фестивальдер, жәрмеңкелер мен көрмелер өтуі мүмкін.
