Бүгіннен бастап Қазақстандағы тағы төрт республикалық автожол учаскесінде көліктердің орташа жылдамдығын бақылау жүйесі іске қосылды, деп хабарлайды dalanews.kz.
Жаңа бақылау мына бағыттарда енгізілді:
Орал – Ресей шекарасы (Самара);
Ақтөбе – Ресей шекарасы (Орынбор);
Қостанай – Денисовка;
Қандыағаш – Мақат.
Қазақстанның республикалық автожолдарында орташа жылдамдықты бақылау жүйесі 2025 жылғы 17 наурыздан бастап жұмыс істеп келеді. Бүгінге дейін ол жалпы ұзындығы 3 мың шақырымға жуық ақылы жолдың 11 учаскесін қамтыған.
2026 жылдың басынан бері орташа жылдамдықты асырудың 550 мың дерегі тіркелген. Бұдан бөлек, көліктің жылдамдығын бір сәттік өлшеу арқылы тағы 163,5 мың жылдамдық режимін бұзу дерегі анықталған.
