Мәдениет және ақпарат министрлігі салалық журналистиканы дамыту жөніндегі комиссия құрылғанын жариялады. Тиісті бұйрыққа министр Аида Балаева қол қойды, деп хабарлайды Dalanews.kz.
Комиссияның мақсаты – елімізде журналистиканы дамыту бойынша ұсыныстар әзірлеу және іс-шараларды үйлестіру.
БАҚ мәліметінше, комиссия құрамына тәжірибелі журналистер немесе БАҚ өкілдері кірмеген. Комиссияны Аида Балаева өзі басқарады, вице-министр Қанат Ысқақов оның орынбасары болып тағайындалған.
Комиссия құрамына кафедра меңгерушілері, журналистика факультеттерінің декандары, университет оқытушылары, білім беру бағдарламаларының өкілдері кіреді.
Мысалы әл-Фараби атындағы ҚазҰУ журналистика факультетінің деканы Қанат Әуесбай, Гумилев атындағы ЕҰУ журналистика және әлеуметтік ғылымдар факультетінің деканы Нұржан Қуантаев, сондай-ақ, Narxoz университетінің профессоры Гүлмира Сұлтанбаева бар.
