Ұлттық қауіпсіздік комитетінің Шекара қызметі шілде айының алғашқы 21 күнінде мемлекеттік шекара арқылы жанар-жағармай материалдарын заңсыз әкетудің 1342 әрекетінің жолын кесті, деп хабарлайды dalanews.kz.
ҰҚК мәліметінше, 1-21 шілде аралығында өткізу бекеттерінде жалпы көлемі 112 тоннадан асатын жанар-жағармай материалдарын заңсыз тасымалдау әрекеттері тіркелген.
Ведомствоның хабарлауынша, заң бұзған азаматтар Қазақстан Республикасының қолданыстағы заңнамасына сәйкес жауапкершілікке тартылған.
ҰҚК мұндай шаралар елдің энергетикалық қауіпсіздігін қамтамасыз етуге және жанар-жағармайдың көлеңкелі айналымына жол бермеуге бағытталғанын атап өтті.
Қазіргі уақытта мемлекеттік шекара арқылы мұнай өнімдерін заңсыз әкетудің жолын кесу жұмыстары жалғасып жатыр.
