№2 көпсалалы қалалық аурухананың дәрігерлері үстіне қайнап тұрған су төгіліп, қатты күйік алған алты айлық сәбидің өмірін аман алып қалды, деп хабарлайды Dalanews.kz
Бала қайнаған су құйылған шәйнекті үстіне құлатып алған. Нәтижесінде нәресте I-II-IIIA дәрежелі термиялық күйік алды. Денесінің 25%-ы – басы, беті, мойны, кеудесі, іші және аяқ-қолын күйдірген.
"Ауруханаға барар жолда оның жүрегі тоқтап қалды, бірақ дәрігерлер оны қалпына келтірді. Келесі кезекте мамандар күйікке қарсы қарқынды терапия жүргізді. Мамандардың келісілген жұмысы мен нәрестенің төзімділігінің арқасында жағдайы тұрақтанды", - делінген хабарламада.
