Ақорданың баспасөз қызметі ҚР Президенті Нұрсұлтан Назарбаевтың «Жер заңнамасының кейбір нормаларын қолдануға мораторий енгізу туралы» Қазақстан Республикасы Президентінің 2016 жылғы 6 мамырдағы № 248 Жарлығына өзгеріс енгізу туралы заңға қол қойғанын мәлімдеді - дейді BAQ.kz тілшісі.
Елбасы Нұрсұлтан Назарбаев Жарлыққа қол қойды. Онда еліміздегі өзекті болып отырған жер мәселесі туралы, жерді жалға беру бойынша 5 жылға мораторий жариялау туралы айтылған.
«Жер заңнамасының кейбір нормаларын қолдануға мораторий енгізу туралы»
Қазақстан Республикасы Президентінің 2016 жылғы 6 мамырдағы № 248 Жарлығына өзгеріс енгізу туралы ҚАУЛЫ ЕТЕМІН:
1. «Жер заңнамасының кейбір нормаларын қолдануға мораторий енгізу туралы» Қазақстан Республикасы Президентінің 2016 жылғы 6 мамырдағы № 248 Жарлығына (Қазақстан Республикасының ПҮАЖ-ы, 2016 ж., № 27, 150-құжат) мынадай өзгеріс енгізілсін:
1-тармақтағы «2016» деген цифрлар «2021» деген цифрларға ауыстырылсын.
5. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті Н. Назарбаев Астана, Ақорда, 2016 жылғы 18 тамыз № 308
Естеріңізде болса, биылғы жылдың ең басты оқиғасына айналып, елдің дүрлігуін тудырған жер мәселесіне қатысты комиссия мораторийдің уақытын 5 жылға созу туралы ұсынысын Елбасыға жеткізген болатын. Президен комиссия мүшелерінің ұсынысын қабыл алып, мораторий уақытын созуға келісім берген еді.
