اقوردانىڭ باسپا ءسوز قىزمەتى ق ر پرەزيدەنتى نۇرسۇلتان نازاربايەۆتىڭ «جەر زاڭناماسىنىڭ كەيبىر نورمالارىن قولدانۋعا موراتوريي ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعىنا وزگەرىس ەنگىزۋ تۋرالى زاڭعا قول قويعانىن مالىمدەدى - دەيدى BAQ.kz ءتىلشىسى.
ەلباسى نۇرسۇلتان نازاربايەۆ جارلىققا قول قويدى. وندا ەلىمىزدەگى وزەكتى بولىپ وتىرعان جەر ماسەلەسى تۋرالى، جەردى جالعا بەرۋ بويىنشا 5 جىلعا موراتوريي جاريالاۋ تۋرالى ايتىلعان.
«جەر زاڭناماسىنىڭ كەيبىر نورمالارىن قولدانۋعا موراتوريي ەنگىزۋ تۋرالى»
قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعىنا وزگەرىس ەنگىزۋ تۋرالى قاۋلى ەتەمىن:
1. «جەر زاڭناماسىنىڭ كەيبىر نورمالارىن قولدانۋعا موراتوريي ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2016 جىلعى 6 مامىرداعى № 248 جارلىعىنا (قازاقستان رەسپۋبليكاسىنىڭ ءپۇاج-ى، 2016 ج.، № 27، 150-قۇجات) مىناداي وزگەرىس ەنگىزىلسىن:
1-تارماقتاعى «2016» دەگەن سيفرلار «2021» دەگەن سيفرلارعا اۋىستىرىلسىن.
5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن. نازاربايەۆ استانا، اقوردا، 2016 جىلعى 18 تامىز № 308
ەستەرىڭىزدە بولسا، بيىلعى جىلدىڭ ەڭ باستى وقيعاسىنا اينالىپ، ەلدىڭ دۇرلىگۋىن تۋدىرعان جەر ماسەلەسىنە قاتىستى كوميسسيا ءموراتورييدىڭ ۋاقىتىن 5 جىلعا سوزۋ تۋرالى ۇسىنىسىن ەلباسىعا جەتكىزگەن بولاتىن. پرەزيدەن كوميسسيا مۇشەلەرىنىڭ ۇسىنىسىن قابىل الىپ، موراتوريي ۋاقىتىن سوزۋعا كەلىسىم بەرگەن ەدى.
