Павлодар облысында адвокат алаяқтық жасағаны және пара беруге арандатқаны үшін сотталды, деп хабарлайды Dalanews.kz.
Облыстық адвокаттар алқасының адвокаты алдау арқылы сенімгерді адастырғаны және заңсыз пайда алуға бағытталған іс-әрекет жасағаны, оны лауазымды тұлғаларға ақшалай сыйақы беруге итермелегені дәлелденген.
Ол қылмыстық іс-әрекет нәтижесінде сенімгерден 6 100 000 теңге шамасында ақша алып, өз қалауы бойынша жұмсаған.
Сот оған 3 жыл 3 айға бас бостандығынан айыру, өмір бойы мемлекеттік қызмет атқару құқығынан айыру, адвокаттық қызметпен және заң кеңесшісі қызметімен айналысу құқығынан 3 жыл мерзімге айыру және подполковник арнайы атағынан айыру түріндегі жаза тағайындады.
Үкім заңды күшіне енген жоқ.
