Бүгін Наурызнаманың төртінші күні - Шаңырақ күні Ордабасы ауданында кең көлемде аталып өтілді.
Шараға аудан әкімінің орынбасары Мейрамбек Ақмұратов арнайы қатысып, отбасылық құндылықтарды насихаттауға арналған өнер туындыларының көрмесіне келген тұрғындарды мерекемен құттықтады.
Сондай-ақ, аудан әкімінің орынбасары “Шапағат” орталығында болып, ондағы балаларға "наурыз кәде" жасады.
Айта кетсек, елімізде биыл Наурыз мерекесін тойлаудың жаңа тұжырымдамасы қабылданған болатын.
Наурыз мейрамының мән-мағынасы мен мазмұнын байыту үшін жыл сайын 14-23 наурыз аралығында Наурызнама онкүндігі жарияланған.
