Жұмыс сапарының алғашқы күні өңір басшысы Түпқараған ауданының Ақшұқыр, Сайын Шапағатов және Таушық ауылдарындағы әлеуметтік нысандарды аралады.
Бірінші кезекте Нұрлан Ноғаев «Тетис» ЖШС су тұшыту зауыты мен жылыжайының қызметімен танысты. Су тұшыту зауыты Ақшұқыр кентінің Бегей жеріндегі жер асты көздерінен өндірілетін табиғи ауыз суды өндірумен және құюмен айналысады. Технолог Елена Мухинаның айтуынша, кәсіпорында арнайы жабдық орнатылған, соның арқасында су ұңғымадан келіп түседі және көмір және кварц сүзгілері арқылы көп сатылы тазартудан өтеді, содан кейін ыдысқа құйылып, жиналады, сүзіледі және құю желісіне шығады. Зауыттың қуаттылығы 1 сағатта 2 000 шөлмекті құрайды. Кәсіпорында 45 адам жұмыс істейді.
Сондай-ақ, компанияда бірнеше жылыжай бар, онда заманауи технологиялар арқылы көкөністер өсіріледі: қияр, қызанақ, тәтті қоңыр бұрыш және т.б. жылыжайлар гидропоника мен тамшылатып суару арқылы жұмыс істейді.
Бұдан кейін аймақ басшысы Нұрлан Ноғаев тәулігіне 1000 дана сәбилерге арналған киім тігетін «Rakhim baby» тігін цехына барды. Цехта Ақшұқыр ауылының 40-қа жуық тұрғыны жұмыс істейді. Әкім тігіншілердің жұмысына сәттілік тіледі.
Жұмыс сапары барысында Ақшұқыр ауылының тұрғындарымен де кездесу өткізілді. Жиында ауыл әкімі Еркебұлан Жәнібек атқарылған жұмыстар туралы есеп берді. Нұрлан Ноғаев өз кезегінде қатысушыларды облыста жүргізіліп жатқан жұмыстар туралы хабардар етіп, ауыл тұрғындарының сұрақтарына жауап берді. Сұрақтардың басым бөлігі инфрақұрылымға, халықты ауыз сумен, электр қуатымен және табиғи газбен қамтамасыз етуге қатысты болды. Жастардың салауатты өмір салтын қалыптастыру үшін жаңа мектеп, спорт залын салу мәселелері көтерілді.
Бұдан кейін Нұрлан Ноғаев Каспий теңізінде жойылып кету қаупі бар бекіре тұқымдас балықтардың 6 түрін арнайы бассейндерде өсіретін және бекіре уылдырығын өндіруге дайындық жұмыстарын жүргізетін "Kazakh osseter" зауытына барды. Ғылыми-өндірістік кәсіпорын 7 жылдан бері жұмыс істеп келеді.
Аймақ басшысы Сайын Шапағатов ауылының тұрғындарымен де кездесті. Жиналғандар тұрғын үй кезегі, табиғи газбен қамтамасыз ету, спорттық және мәдени нысандар, балабақша, медициналық орталықтар мен жаңа аялдамалар салу мәселелерін көтерді. Сұрақтардың бір бөлігі жұмысыздық мәселесіне арналды. Облыс әкімі өз кезегінде қазіргі уақытта жұмысқа орналастыру мәселесі екі тәсілмен шешіліп жатқанын атап өтті. Сондай-ақ, адам өз бетінше жұмыс орнын таба алады немесе мемлекеттен бос орын алу үшін жергілікті жұмыспен қамту орталығына кезекке тұра алатынын жеткізді.
– Біздің міндетіміз барлық мәселелерді жүйелі түрде шешу. Біздің елімізде адам өз-өзін тауып,әлеуетін ашуы үшін барлық мүмкіндіктер бар. Кез келген еңбек адамды қай жерде жұмыс істесе де, өзінің еңбегімен ең жақсы адами қасиеттерін көрсете алады. Адам бір нәрсе істеу үшін еңбекке деген сүйіспеншілігін, табандылығын, адалдығын көрсете білу керек. Әркім өз отбасын асырауға және жақсы өмір сүруге ұмтылуы керек. Егер әркім бірдей алгоритмді ұстанса, аймақтағы жұмыссыздық деңгейі төмен болар еді. Сондықтан көп нәрсе адамның өзіне байланысты, – деді Нұрлан Ноғаев.
Сонымен қатар, өңір басшысы Сайын Шапағатов және Таушық ауылдарының дәрігерлік амбулаторияларына барды. Нысандардың жай-күйімен танысып, медицина қызметкерлеріне пандемия кезіндегі адал еңбектері үшін алғысын айтты.
Нұрлан Ноғаев Таушық ауылының спорт кешенінде жас спортшылармен кездесу өткізіп, тәрбиеленушілер өз шеберліктерін көрсетті. Спорт кешені бірнеше бағытта жұмыс істейді: Қазақша күрес, джиу-джитсу, бокс, садак ату, шағын футбол.
– Әр адамның ерік күші болуы маңызды. Ол адам өз-өзін жеңіп, өзіне төтеп бере алғанда кезде байқалады. Бұл спортшыға кәсіби жолда күткен қиындықтардан қорқуды жеңуге көмектесетін ерік күш.Сіздер-еліміздің болашағысыздар. Алда көптеген жеңістер болатынына сенімдімін, – деп жас спортшыларға сәттілік тіледі Нұрлан Ноғаев.
