Қазақстанның Тұңғыш президентінің немересі Нұрәлі Әлиев әжесі Сара Алпысқызы Назарбаева бастамашы болған "Өзін-өзі тану" пәнін әрі қарай дамытуға ниетті екенін мәлімдеді, деп хабарлайды dalanews.kz.
Нұрәлі Әлиев бұл туралы сұхбаттарының бірінде айтып, жас ұрпаққа рухани-адамгершілік тәрбие берудің маңызды екенін атап өткен.
"Өзін-өзі тану" пәні Қазақстан мектептеріндегі міндетті оқу бағдарламасына 2010-2011 оқу жылында енгізілген еді. Аталған бағдарлама Сара Назарбаеваның бастамасымен қолға алынып, оқушылардың бойында адамгершілік, мейірімділік, ізгілік және ішкі үйлесімділік қалыптастыруға бағытталған курс ретінде ұсынылған.
Алайда 2022 жылы Қазақстанның Оқу-ағарту министрлігі бұл пәнді міндетті сабақтар қатарынан алып тастау туралы шешім қабылдады. Министрлік бұйрығына сәйкес, "Өзін-өзі тану" міндетті пән мәртебесінен айырылып, факультативтік сабақ форматына ауыстырылды.
Осыған байланысты Нұрәлі Әлиев аталған бағытты қайта жандандырып, рухани тәрбие мәселесіне көбірек көңіл бөлу қажет екенін жеткізген.
