Барселонада өткен Халықаралық MWC 2026 көрмесінде HONOR компаниясы жаңа құрылғыларын таныстырып, жасанды интеллектінің күнделікті өмірдегі дамуына қатысты өз көзқарасын көрсетті. Көрменің басты назарында болашақ смартфоны Robot Phone, жиналмалы флагман Magic V6, сондай-ақ планшет, ноутбук және брендтің алғашқы гуманоидты роботы болды, деп хабарлайды Dalanews.kz.
HONOR компаниясының бас директоры Джеймс Лиайтуы бойынша, бренд технологияға «адамға бағытталған» көзқарасты ұстанады. Яғни, жасанды интеллект өмірді күрделендірмей, керісінше жұмысқа, қарым-қатынасқа және шығармашылыққа көмектесуі тиіс.
«Қозғалатын» смартфон
Көрмедегі ең эксперименталды жаңалық - Robot Phone. Бұл - жаңа форматтағы смартфон концепті. Құрылғы тек жанасу мен дауыс пәрмендеріне жауап беріп қана қоймай, физикалық түрде қозғала алады.
Камера корпус ішіндегі арнайы подвеске бекітілген. Соның арқасында смартфон:
Компания өкілдерінің айтуынша, мұндай шешім смартфонды пайдаланушымен қарым-қатынаста әлдеқайда табиғи әрі «жанды» етеді.
Жаңа жиналмалы флагман Magic V6
Екінші басты таныстырылым - Magic V6 жиналмалы смартфоны. Құрылғы өте жұқа (жиналған күйде 8,75 мм), су мен шаңнан қорғалған және сыйымдылығы 6 660 мА·сағ болатын қуатты батареямен жабдықталған.
HONOR жаңа буын аккумуляторларын қолдану арқылы корпус қалыңдығын арттырмай-ақ автономды жұмыс уақытын ұзартуға қол жеткізген.
Смартфон шамамен 8 дюймдік үлкен ішкі экранға ие, ол шағын планшет секілді ашылады, сондай-ақ күнделікті қолдануға арналған сыртқы дисплейі бар. Өндіруші экрандағы бүгілістің айтарлықтай азайғанын және көзге түсетін жүктеменің төмендегенін атап өтеді.
Magic V6 ойын-сауыққа да, жұмысқа да бейімделген: құрылғы көптапсырмалы режимді қолдайды және басқа гаджеттермен, соның ішінде iOS негізіндегі техникамен де өзара жұмыс істей алады.
AI-функциялары бар планшет пен ноутбук
Смартфондармен қатар HONOR жұмыс пен білім алуға арналған AI-функциялары бар, үлкен әрі жарық экранына ие жұқа MagicPad 4 планшетін және күнделікті және кәсіби міндеттерге арналған OLED-дисплейі бар жеңіл MagicBook Pro 14ноутбугын таныстырды.
Бұл құрылғылар бір-бірімен байланыса отырып, бірыңғай цифрлық экожүйе құрай алады.
HONOR-дың алғашқы гуманоидты роботы
Компания сондай-ақ өзінің алғашқы гуманоидты роботын да көрсетті. Болашақта мұндай құрылғылар дүкендерде, өндірістік нысандарда көмекші бола алады немесе жеке ассистент қызметін атқарады.
HONOR мамандары смартфондар мен ақылды құрылғыларды әзірлеудегі тәжірибе пайдаланушыларды тани алатын және олардың қажеттіліктеріне бейімделетін анағұрлым «түсінікті» әрі дербестендірілген роботтар жасауға мүмкіндік береді деп есептейді.
HONOR компаниясы туралы
HONOR - AI-экожүйелер саласындағы жаһандық компания. Бренд агенттік AI дәуірінде және одан кейін де адам мен технология арасындағы өзара байланысты жаңа деңгейге көтеруді мақсат етеді. Индустриялық серіктестермен ашық әріптестік ортақ құндылық қалыптастыратын экожүйе құруға жол ашады.
HONOR өнім портфелі AI-смартфондарды, дербес компьютерлерді, планшеттерді, тағылатын құрылғыларды және басқа да санаттарды қамтып, пайдаланушыларға жаңа интеллектуалды әлемге қолжетімділік ұсынады.
