Алматы қаласына қарасты Бостандық ауданы мектептерінің директорлар корпусы өздерінің Инстаграм парақшаларында қала тұрғындарын Тәуелсіздік мерекесіне орай жүректерін жарып шыққан ақ тілектерін арнап, ән жолады, – деп хабарлайды Dalanews.kz
– Алматы қаласы Бостандық ауданы мектептерінің директорлар корпусы, аудандық білім бөлімі жетекшілігімен сіздерді Қазақстан Республикасы Тәуелсіздік күнімен шын жүректен құттықтайды!
Осы ерекше күні, егемен елімізге деген мақтанышымызды білдіре отырып, туған жерге сүйіспеншілігімізді жеткізгіміз келеді.
Бұл күн әр шаңыраққа қуаныш, бейбітшілік пен молшылық әкелсін. Елімізге өркендеу, бірлік және жарқын болашақ тілейміз!
Мереке құрметіне біз хор құрып, жүректерде терең орын алған «Сәлем саған, туған жер!» әнін сыйға тартамыз, – деп Бостандық ауданы мектептерінің директорлар корпусы жүрек тербер әсем әнді тарту етті.
