Астанада азаматтық істер жөніндегі ауданаралық соттың судьясы Әсел Досаева судьялық әдеп нормаларын бұзғаны үшін қызметінен босатылды, деп хабарлайды Dalanews.kz ulysmedia.kz-ке сілтеп.
Бұл шешім шыққанға дейін ол өз қызметін жалғастырып келген еді.
Айта кетейік, бұған дейін Астанада азаматтық істер жөніндегі ауданаралық соттың судьясы Әсел Досаева мас күйінде көлік басқарған деген ақпарат әлеуметтік желілер мен БАҚ-та тарап, қоғам назарын аударды.
Полиция департаментінің хабарлауынша, қалада жүргізілген рейд барысында патрульдік полиция қызметкерлері Mazda маркалы көлікті тоқтатқан. Сараптама нәтижесі жүргізуші мас күйде болғанын көрсеткен. Көлік коммуналдық тұраққа қойылып, артынша тексеріс басталған еді.
