Халықаралық технологиялық HONOR компаниясы HONOR Magic8 Pro флагмандық смартфоны Android 17 Beta 3 әзірлеушілерге арналған нұсқасын қолдайтын саладағы алғашқы құрылғылардың қатарына енгенін мәлімдеді. Бұл HONOR-дың Google компаниясының негізгі серіктестерінің бірі ретіндегі мәртебесін айқындап, әзірлеушілерге операциялық жүйенің жаңа мүмкіндіктерін алдын ала сынап көруге, қосымшалардың үйлесімділігін оңтайландыруға және оларды брендтің флагмандық құрылғысына бейімдеуге мүмкіндік береді, деп хабарлайды dalanews.kz.
Android 17 Beta 3 нұсқасына ерте қол жеткізу HONOR мен Google арасындағы Android экожүйесін дамыту бағытындағы тығыз ынтымақтастықты тағы бір мәрте дәлелдейді. Сонымен қатар бұл әзірлеушілерге болашақ операциялық жүйенің жаңа құралдары мен функцияларымен алғашқылардың бірі болып жұмыс істеуге жол ашады.
Пайдаланушылар үшін Android 17 смартфонымен өзара әрекеттесудің анағұрлым интуитивті, қауіпсіз әрі жекелендірілген тәжірибесін ұсынады. Beta 3 нұсқасындағы басты жаңартулардың қатарында Bubbles жүйелік қолдауымен кеңейтілген көптапсырмалы режим, байланыстарды басқаруды жеңілдететін жаңартылған жылдам баптаулар, сондай-ақ экран жазу мен геолокацияны бөлісу кезіндегі құпиялылықты күшейтетін жаңа құралдар бар.
Жаңартуда мобильді фотосуретке де ерекше көңіл бөлінген. Android 17 Beta 3 алғаш рет RAW14 форматын жергілікті деңгейде қолдайды. Бұл фото түсіру мен өңдеуге арналған үшінші тарап қосымшаларына HONOR Magic8 Pro смартфонындағы AiMAGE камерасының әлеуетін толық пайдалануға мүмкіндік береді. Жаңа формат жоғары детальдылықты, кең динамикалық диапазонды және түстердің кәсіби дәлдігін қамтамасыз етеді.
Бұдан бөлек, жаңарту интерфейсті кеңінен баптау мүмкіндігін, қосымшаларға арналған жеке параметрлері бар жетілдірілген қараңғы режимді, экран жазу мәзірінің жаңартылған нұсқасын және жергілікті желіні қорғау мен посткванттық криптографияны қолдау секілді қосымша қауіпсіздік функцияларын ұсынады.
Әзірлеушілерге Android 17 Beta 3 нұсқасына жедел қолжетімділік беру арқылы HONOR ашық Android экожүйесін дамытуға және әлемдегі әзірлеушілер қауымдастығын қолдауға бейілді екенін тағы бір рет көрсетті. Бұл ресми Android 17 релизіне барынша бірқалыпты көшуге мүмкіндік береді.
HONOR бренді туралы
2013 жылы құрылған HONOR — интеллектуалды құрылғылар өндіретін әлемдік жетекші компаниялардың бірі. Компания барлық адамға, барлық сценарийлер мен арналарда ақылды өмір салтын ұсынатын жаһандық технологиялық бренд болуды мақсат етеді. Инновация, сапа және сервиске басымдық беретін HONOR адамдардың үйреншікті мүмкіндіктер шегінен асып, жаңа интеллектуалды әлем қалыптастыруына жол ашатын технологияларды дамытып келеді.
Толық ақпаратты HONOR ресми сайтынан білуге болады.
