Алматыда Esentai City тұрғын үй кешені аумағында жарылыс болғаны туралы ақпарат тарады, деп хабарлайды dalanews.kz.
Алматы әкімдігі мәліметінше, 22 қазанда Медеу ауданындағы Қаппаров көшесінде орналасқан үш қабатты тұрғын үйде газ-ауа қоспасы жарылған, артынша өрт шықпаған.
"Алдын ала мәлімет бойынша бұған табиғи газ кетуі себеп болуы мүмкін", - деп жазылған хабарламада.
Оқиға салдарынан кәмелетке толмаған екі бала жеңіл жарақат алған. Медициналық тексерістен өтіп, көмек көрсетілгеннен кейін олар үйлеріне жіберілген.
Қазір жауапты қызметтер оқиғаның себептері мен мән-жайын анықтап жатыр.
