Almatyda Esentai City turǵyn úi kesheni aýmaǵynda jarylys bolǵany týraly aqparat tarady, dep habarlaidy dalanews.kz.
Almaty ákimdigi málimetinshe, 22 qazanda Medeý aýdanyndaǵy Qapparov kóshesinde ornalasqan úsh qabatty turǵyn úide gaz-aýa qospasy jarylǵan, artynsha órt shyqpaǵan.
"Aldyn ala málimet boiynsha buǵan tabiǵi gaz ketýi sebep bolýy múmkin", - dep jazylǵan habarlamada.
Oqiǵa saldarynan kámeletke tolmaǵan eki bala jeńil jaraqat alǵan. Meditsinalyq tekseristen ótip, kómek kórsetilgennen keiin olar úilerine jiberilgen.
Qazir jaýapty qyzmetter oqiǵanyń sebepteri men mán-jaiyn anyqtap jatyr.
