Atyraýdaǵy №14 mektepte altynshy synyp oqýshylary arasynda janjal shyqty. Oqiǵa 21 qazanda bolǵan. Aldyn ala málimet boiynsha, oqýshylardyń biri mektepke pyshaq alyp kelip, ózin renjitken synyptastaryna qoqan-loqy kórsetken, dep habarlaidy dalanews.kz.
«Aq Jaiyq» basylymynyń habarlaýynsha, bala synyptastary tarapynan býllingke ushyraǵan bolýy múmkin. Osydan keiin ol ózine tiisip júrgen balalarǵa qarsy shyǵýǵa bel býyp, mektepke pyshaq ákelgen. Oqýshy qarýdy kórsetip, synyptastarynan kek alǵysy keletinin ańǵartqan.
Basqa oqýshylar bolǵan jaǵdaidy muǵalimge jetkizgen. Pedagog politsiia qyzmetkerleri men janjalǵa qatysqan balalardyń ata-analaryn shaqyrǵan. Aldyn ala málimetke sáikes, oqýshylarmen jáne olardyń ata-analarymen profilaktikalyq áńgime júrgizilgen.
Atyraý oblystyq politsiia departamentiniń baspasóz qyzmeti altynshy synyp oqýshylary arasynda janjal bolǵanyn jáne olardyń birinen pyshaq tabylǵanyn rastady. Sonymen qatar politsiia oqiǵa kezinde pyshaq qoldanylǵan degen qaýesetti joqqa shyǵardy.
