Ұлттық статистика бюросы 2025 жылы қазақстандықтар нәрестелерге жиі қойған есімдерді жариялады, деп хабарлайды Dalanews.kz.
1 қаңтар мен 10 желтоқсан аралығындағы мәлімет бойынша, ұл балалар арасында ең танымал есім - Мұхаммед, ал қыздар арасында Айлин есімі көш бастап тұр. Бұл есімдер жыл бойы елдің перзентханаларында ең жиі тіркелген.
Қыз балаларға жиі қойылған есімдер
Ведомство деректеріне сәйкес, қыздардың ТОП-10 есімі мынадай:
Айлин – 5305;
Асылым – 4302;
Медина – 3942;
Айша – 3310;
Томирис – 2957;
Мариям – 2608;
Сафия – 2575;
Аяла – 2456;
Адия – 2371;
Айым – 2266.
Бұл есімдер жыл сайын сұранысқа ие болып келеді. Олар ұлттық дәстүрлер мен қазіргі заманғы талғамның үйлесімін көрсетеді.
Ұл балаларға жиі қойылған есімдер
2025 жылы ұлдар арасында Мұхаммед есімі - 2537 рет қойылып, бірінші орынға шыққан. ТОП-10 қатарына кірген басқа есімдер:
Әлихан – 2330;
Айсұлтан – 2305;
Омар – 2225;
Алдияр – 2129;
Алан – 2093;
Мухаммад – 2042;
Амир – 1926;
Хамза – 1682;
Али – 1562.
