Елордада бухгалтер жұмыс берушісінің 380 миллион теңгеден аса ақшасын казиноға тігіп жіберген, - деп хабарлайды Dalanews.kz.
Соттың үкімімен Астана тұрғыны 5 жылға бас бостандығынан айырылды.
"Кінәлі әйел ЖШС-ның бухгалтері бола отырып, мекеме иелеріне шет елге тиімді инвестициялар салу туралы айтып, оларды алдау арқылы 385,9 млн. теңгеден аса қаражатын иемденген. Сотталған адам ұрланған ақшаның басым бөлігін казинода ұтылған", - деп жазылған Астана қаласының прокуратурасы мәліметінде.
Іс бойынша қатысқан мемлекеттік айыптаушы сотталушының кінәсін дәлелдеді. Сот үкімі заңды күшіне енді.
