Бас прокурор Берік Асылов прокуратура басшылығында ротация жүргізді, деп хабарлайды Dalanews.kz.
"Президенттің келісімімен бас прокурордың бұйрықтарымен мынадай прокурорлар тағайындалды: Батыс Қазақстан облысына – аға әділет кеңесшісі Ұласбекұлы Нұрбек; Маңғыстау облысына – аға әділет кеңесшісі Құшалиев Серікқали Жанбибекұлы", – делінген дүйсенбі күнгі хабарламада.
Сондай-ақ мемлекет басшысының келісімімен бірқатар аумақтық прокурорларға ротация жүргізілді:
- Бас прокуратура жанындағы құқық қорғау органдары академиясының ректоры – Әбдіров Нұрғалым Мәжитұлы;
- Бас көлік прокуроры – Жүйріктаев Берік Қуанышбекұлы;
- Атырау облысының прокуроры – Башшыбаев Мәдиар Бекенұлы;
- Жамбыл облысының прокуроры – Әбілов Берік Рақатұлы;
- Жетісу облысының прокуроры – Жұмаканов Бауыржан Альбертіұлы;
- Қостанай облысының прокуроры – Сексембаев Марат Исламханұлы;
- Павлодар облысының прокуроры – Байшулаков Алмат Мұратұлы;
- Шығыс Қазақстан облысының прокуроры – Сүлейменов Тимур Қайырбекұлы.
Еске сала кетейік, бұған дейін Қазақстан президенті Қасым-Жомарт Тоқаев Жандос Өмірәлиевті бас прокурордың бірінші орынбасары қызметіне тағайындаған еді.
