Ақтауда 12 қарашада Hyundai Elantra көлігі өртеніп, артынша оның газ қондырғысы жарылды, деп хабарлайды dalanews.kz.
Маңғыстау облысы Төтенше жағдайлар департаменті мәліметінше, 27-шағынаудандағы өрт туралы хабарлама сағат 11:46-да түскен.
Көлікке көлемі 45 литрлік газ қондырғысы орнатылған. Өртсөндірушілер жеткенге дейін газ жабдығы жарылған. Өрт сағат 11:58-де толық сөндірілген. Оқиғадан ешкім зардап шеккен жоқ.
Оқиға орнына ТЖД-ның алты қызметкері мен бір техникасы жіберілген.
