«Ақ жол» демократиялық партиясы Құрылтайдағы сегіз депутаттық мандатты партиялық тізімдегі кандидаттар арасында бөлді, деп хабарлайды dalanews.kz.
Партияның Саяси кеңесі Президиумының шешімімен Құрылтайда «Ақ жол» атынан өкілдік ететін сегіз депутат бекітілді. Олар: Дәурен Ахметжаев, Бақтыбек Бибаев, Дания Еспаева, Асылхан Қожахметов, Юрий Ли, Олжас Нұралдинов, Мейраш Шынасилова және Ермекқали Юсупов.
Шешім Орталық сайлау комиссиясының 25 тамыздағы №48/84 қаулысына сәйкес қабылданған.
Сайлаудың қорытындысы бойынша «Ақ жол» партиясы 478 083 дауыс немесе 5,21% жинап, Құрылтайдан сегіз мандат алған.
Партияның мәліметінше, бекітілген кандидаттар жаңа бірпалаталы Құрылтайда «Ақ жолдың» сайлауалды бағдарламасы мен сайлаушылардың мүддесін білдіретін болады.
