«Жастар саясаты» бөліміне стандартты шағымдардың орнына, махаббат хаты жарияланған.
«Қайырлы таң! Бүкіл әлемге оны сүйетіндігімді айтып, айқайлағым келіп тұр! Оның есімі – Динара. Бұл менің ең сүйікті есімдерімнің бірі. Оның әрдайым жанымда және бірге болғанымызды қалаймын. Түнде оның тәтті пысылынан оянғым келеді», – делінген хабарламада.
Әкім өз кезегінде жас жігіттің сезімін аяқасты қалдырмай, жауап жазды.
"Қайырлы күн, құрметті Мұхаммед! Өз сезіміңізді бізбен бөліскеніңізге рахмет! Сіздер үшін қуаныштымыз! Бақыт пен сәттілік тілейміз!" – деп жазды Бақауов.
Әкімдіктің баспасөз қызметі креативті хатқа түсіністік танытқан.
– Қазір көктем, наурыз айы, адамдардың сезімі оянатын кез. Жас жігіт сүйіктісіне облыс әкімінің блогы арқылы сезімін білдіріп, таң қалдырғысы келген болар, – деп пікір білдірген облыс әкімінің баспасөз хатшысы Азамат Бәйтенов Tengrinews порталына.
Дереккөзі: baq.kz
