«جاستار ساياساتى» بولىمىنە ستاندارتتى شاعىمداردىڭ ورنىنا، ماحاببات حاتى جاريالانعان.
«قايىرلى تاڭ! بۇكىل الەمگە ونى سۇيەتىندىگىمدى ايتىپ، ايقايلاعىم كەلىپ تۇر! ونىڭ ەسىمى – دينارا. بۇل مەنىڭ ەڭ سۇيىكتى ەسىمدەرىمنىڭ ءبىرى. ونىڭ ءاردايىم جانىمدا جانە بىرگە بولعانىمىزدى قالايمىن. تۇندە ونىڭ ءتاتتى پىسىلىنان ويانعىم كەلەدى»، – دەلىنگەن حابارلامادا.
اكىم ءوز كەزەگىندە جاس جىگىتتىڭ سەزىمىن اياقاستى قالدىرماي، جاۋاپ جازدى.
"قايىرلى كۇن، قۇرمەتتى مۇحاممەد! ءوز سەزىمىڭىزدى بىزبەن بولىسكەنىڭىزگە راحمەت! سىزدەر ءۇشىن قۋانىشتىمىز! باقىت پەن ساتتىلىك تىلەيمىز!" – دەپ جازدى باقاۋوۆ.
اكىمدىكتىڭ باسپا ءسوز قىزمەتى كرەاتيۆتى حاتقا تۇسىنىستىك تانىتقان.
– ءقازىر كوكتەم، ناۋرىز ايى، ادامداردىڭ سەزىمى وياناتىن كەز. جاس جىگىت سۇيىكتىسىنە وبلىس اكىمىنىڭ بلوگى ارقىلى سەزىمىن ءبىلدىرىپ، تاڭ قالدىرعىسى كەلگەن بولار، – دەپ پىكىر بىلدىرگەن وبلىس اكىمىنىڭ باسپا ءسوز حاتشىسى ازامات بايتەنوۆ Tengrinews پورتالىنا.
دەرەككوزى: baq.kz
