Ел арасында "әкімдердің дұшпаны" деп аталып кеткен Ниязов осыдан бір күн бұрын Youtube арнасында видеоүндеуін жариялаған болатын.
Жаңа жыл мерекесі қарсаңында Асхат Ниязовтың «Обожаю» атты жобасының әлеуметтік желілері кибершабуылға ұшыраған. Сонымен қатар, оның айтуынша, жарнама берушілер Асхатпен жұмыс істеуден жаппай бас тарта бастаған.
Осыған байланысты журналист қаржылай қолдау көрсетуді сұрады. Бұл ретте ол тек қазақстандықтардан көмек күтетінін баса айтты.
«Көбінің бізге басқа елдерден қолдау көрсеткісі келетінін білемін, бірақ біз өзімізді қорғау үшін мұны жасамаймыз. Мұны біреулер өз мақсатына пайдаланып, "Ниязов сырттан қаржы алатын шетел тыңшысы" деп айтпауы әбден мүмкін», - дейді блогер.
Сондай-ақ, ол түскен қайырымдылықты контент өндіруге ғана емес, өзіне және отбасына жұмсауды жоспарлап отырғанын ескертті.
"Журналистика мен сөз бостандығына қарсы бірдеңені қоздырып жүргендердің барлығына шын жүректен "құрметімді" білдіргім келеді. Біздің барлық әлеуметтік желілерімізді бұғаттасаңыз да, Youtube арнасын жауып тастасаңыз да, біз бәрібір контент түсіріп, флешкаға, дискіге жазып, көшеге шығып, адамдарға таратамыз. Сіздер бізді тоқтата алмайсыздар! – дейді Асхат Ниязов.
https://youtu.be/adKDFTgYN2M
