Бүгін аспан әлеміндегі қозғалыстар көпшілікті асығыстықтан гөрі, байыппен шешім қабылдауға шақырады. Төменде әр жұлдыз белгісіне арналған қысқаша болжамды ұсынамыз, деп хабарлайды Dalanews.kz.

Тоқты

Бүгін батыл қадам жасауға ниетіңіз оянады. Дегенмен, қызбалыққа бой алдырмай, әр істі ақыл таразысына салғаныңыз абзал. Кешке қарай жағымды жаңалық естуіңіз мүмкін.

Торпақ

Қаржы мәселесінде сақтық қажет. Ұсақ шығын көбейіп кетуі ықтимал. Жақын адаммен ашық әңгіме көңіліңізді жайландырады.

Егіздер

Бүгін байланыс пен келіссөзге қолайлы күн. Айтқан сөзіңіз өтімді болады. Бірақ бос уәдеден аулақ болыңыз.

Шаян

Көңіл күйіңіз құбылмалы болуы мүмкін. Өзіңізге ауыр ой жүктемей, тынығуға уақыт бөліңіз. Отбасы жылуы күш береді.

Арыстан

Көшбасшылық қабілетіңіз жарқырай түседі. Жұмыста бастама көтерсеңіз, қолдау табасыз. Тек тәкаппарлықтан сақ болыңыз.

Бикеш

Ұқыптылық пен тиянақтылық бүгін сізді алға жетелейді. Бұрын кейінге қалдырған істі тәмамдауға жақсы мүмкіндік туады.

Таразы

Бүгін тепе-теңдікті сақтау маңызды. Даулы мәселеде төрелік айтудан бұрын екі тарапты да мұқият тыңдаңыз.

Сарышаян

Ішкі түйсігіңіз күшейеді. Жүрек қалауын тыңдасаңыз, қателеспейсіз. Құпия жоспарларыңызды әзірге жария етпеген жөн.

Мерген

Жолға шығу, жаңа жоспар құру үшін қолайлы күн. Бірақ уәде беруде абай болыңыз. Себебі орындаудың жауапкершілігі ауыр.

Тауешкі

Еңбекқорлығыңыздың жемісін көретін сәт жақын. Бүгін сабыр сақтасаңыз, бастықтар назарына ілігуіңіз мүмкін.

Суқұйғыш

Шығармашылыққа шабыт келеді. Ерекше ойларыңызды қағазға түсіріп қойыңыз, кейін кәдеге асады.

Балықтар

Сезімталдық артады. Біреудің сөзіне бола көңіліңізге кірбің түсірмеңіз. Кешкілік тыныш демалыс пайдалы болады.