ەنەرگەتيكا مينيسترٸ ەرلان اقكەنجەنوۆ ٷكٸمەت وتىرىسىندا 2026-2027 جىلدارداعى جىلىتۋ ماۋسىمىنا دايىندىق بارىسى تۋرالى باياندادى, دەپ حابارلايدى dalanews.kz.
الداعى جىلىتۋ ماۋسىمىنا دايىندىق اياسىندا جٷيەلٸك وپەراتور بەكٸتكەن كەستەگە سەيكەس بيىل ەلەكتر ستانتسييالارىندا 9 ەنەرگييا بلوگىن, 55 قازاندىق پەن 51 تۋربينانى جٶندەۋ جوسپارلانعان. قازٸرگٸ ۋاقىتتا 3 ەنەرگييا بلوگىندا, 33 قازاندىقتا جەنە 24 تۋربينادا جٶندەۋ جۇمىستارى ەرتٷرلٸ كەزەڭدە جٷرگٸزٸلٸپ جاتىر.
اعىمداعى جىلى جٶندەۋ جۇمىستارىنا 384 ملرد تەڭگە قاراستىرىلعان. بۇل ٶتكەن جىلعى كٶرسەتكٸشتەن 9%-عا جوعارى.
ٶڭٸرلٸك ەلەكتر جەلٸلٸك كومپانييالاردىڭ جەلٸلەرٸندە جالپى ۇزىندىعى 17,1 مىڭ شاقىرىم ەلەكتر بەرۋ جەلٸلەرٸن جەنە 444 قوسالقى ستانتسييانى جٶندەۋ جوسپارلانعان. قازٸرگٸ ۋاقىتتا ەلەكتر بەرۋ جەلٸلەرٸنٸڭ 91%-ى جەنە قوسالقى ستانتسييالاردىڭ 84%-ى جٶندەلدٸ.
جىلۋمەن جابدىقتاۋ جەلٸلەرٸندە 377 شاقىرىم جىلۋ جەلٸسٸن رەكونسترۋكتسييالاۋ جەنە كٷردەلٸ جٶندەۋ جوسپارلانعان. ونىڭ 246 شاقىرىمى نەمەسە 65%-ى اياقتالدى.
مينيستردٸڭ ايتۋىنشا, بيىل جىلۋ جەلٸلەرٸن جٶندەۋ مەن رەكونسترۋكتسييالاۋعا 196,8 ملرد تەڭگە قاراستىرىلعان. ونىڭ 82,5 ملرد تەڭگەسٸ بيۋدجەت قاراجاتى ەسەبٸنەن, 98,1 ملرد تەڭگەسٸ «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا, تاعى 16,2 ملرد تەڭگەسٸ كەسٸپورىنداردىڭ تاريفتٸك سمەتالارى ەسەبٸنەن بٶلٸنەدٸ.
بيىل جىلۋ جەلٸلەرٸن قارجىلاندىرۋ كٶلەمٸ 34%-عا, ال ورىندالاتىن جۇمىس كٶلەمٸ 14%-عا ارتقان. مينيستر ەكٸمدٸكتەر جىلىتۋ ماۋسىمى باستالعانعا دەيٸن جوسپارلانعان جٶندەۋ جۇمىستارىن تولىق اياقتاۋى قاجەت ەكەنٸن اتاپ ٶتتٸ.
ەلەكتر ستانتسييالارىنداعى تەحنولوگييالىق جاعدايعا دا نازار اۋدارىلدى. 2026 جىلدىڭ العاشقى جەتٸ ايىندا تەحنولوگييالىق بۇزۋشىلىقتار سانى 5,6%-عا تٶمەندەپ, 891 جاعدايدى قۇرادى. دەگەنمەن «گرەس توپار», «استانا-ەنەرگييا» جەو-2, شىمكەنتتەگٸ «3-ەنەرگوورتالىق» جەنە اقسۋ گرەس-ٸندە تەحنولوگييالىق بۇزۋشىلىقتار سانىنىڭ ٶسكەنٸ بايقالعان. وسى فاكتٸلەر بويىنشا ەنەرگەتيكالىق قاداعالاۋ كوميتەتٸ تيٸستٸ تەكسەرۋ جٷرگٸزٸپ, قاجەتتٸ شارالاردى قابىلدادى.
ەنەرگييا ٶندٸرۋشٸ نىسانداردىڭ وتىن قويمالارىندا قازٸرگٸ ۋاقىتتا 4,2 ملن توننا كٶمٸر جەنە 137 مىڭ توننا مازۋت بار. بۇل ٶتكەن جىلمەن سالىستىرعاندا 2%-عا جوعارى. سونىمەن قاتار مينيسترلٸك قىركٷيەك ايىنان باستاپ كٶلەمٸ 255 مىڭ توننانى قۇرايتىن ەلەۋمەتتٸك مازۋتتى جەتكٸزۋ كەستەسٸن بەكٸتتٸ.
سونىمەن بٸرگە ەنەرگەتيكا سالاسىنداعى كەسٸپورىنداردىڭ وتىن ٷشٸن كرەديتورلىق بەرەشەگٸ ساقتالىپ وتىر. اتاپ ايتقاندا, ەلەكتر ستانتسييالارىنىڭ «QazaqGaz Aimaq» الدىنداعى بەرەشەگٸ 71,9 ملرد تەڭگەنٸ قۇرايدى.
ەلدٸڭ ەنەرگەتيكالىق ينفراقۇرىلىمىن جىلىتۋ ماۋسىمىنا دايىنداۋ ٷشٸن ٷكٸمەت رەزەرۆٸنەن 27,9 ملرد تەڭگە بٶلٸنگەن. ونىڭ 12,7 ملرد تەڭگەسٸ جىلۋ كٶزدەرٸن جٶندەۋگە جەنە سالۋعا, 8,4 ملرد تەڭگەسٸ جىلۋ جەلٸلەرٸن سالۋ مەن رەكونسترۋكتسييالاۋعا, 6,8 ملرد تەڭگەسٸ ەلەكتر جەلٸلەرٸن رەكونسترۋكتسييالاۋعا باعىتتالعان.
حالىقتى كٶمٸرمەن قامتاماسىز ەتۋ مەسەلەسٸ دە باقىلاۋدا. مينيسترلٸكتٸڭ مەلٸمەتٸنشە, الداعى جىلىتۋ ماۋسىمىندا حالىق پەن كوممۋنالدىق-تۇرمىستىق سەكتورعا 7,3 ملن توننا كٶمٸر قاجەت. ونىڭ 1,6 ملن تونناسى كوممۋنالدىق-تۇرمىستىق سەكتورعا, 5,7 ملن تونناسى حالىققا ارنالعان.
ٶتكەن جىلىتۋ ماۋسىمىندا ناقتى قاجەتتٸلٸك 8,3 ملن توننانى قۇراعان. بيىلعى قاجەتتٸلٸكتٸڭ تٶمەندەۋٸ ەلدٸ 2035 جىلعا دەيٸن گازداندىرۋدىڭ باس سحەماسىن ٸسكە اسىرۋمەن بايلانىستى.
كٶمٸر جەتكٸزٸلٸمٸن باقىلاۋ ٷشٸن مينيسترلٸك جاساندى ينتەللەكت جەنە پرەديكتيۆتٸك تالداۋ ەلەمەنتتەرٸ ەنگٸزٸلگەن بٸرىڭعاي تسيفرلىق پلاتفورما ەزٸرلەگەن. جٷيەگە 36 كٶمٸر ٶندٸرۋشٸ كەسٸپورىننىڭ دەرەكتەرٸ, 29 مىڭ جارتىلاي ۆاگون ارقىلى جٷزەگە اسىرىلاتىن تەمٸرجول تاسىمالدارى, 586 كٶمٸر تۇيىعى وپەراتورى جەنە 1,2 ملن-نان استام تۇتىنۋشى تۋرالى اقپارات ەنگٸزٸلگەن.
پلاتفورما كٶمٸردٸڭ ٶندٸرٸلگەن سەتٸنەن باستاپ جٶنەلتٸلۋٸ مەن حالىققا جەنە كوممۋنالدىق-تۇرمىستىق سەكتورعا جەتكٸزٸلۋٸنە دەيٸنگٸ قوزعالىسىن ناقتى ۋاقىت رەجيمٸندە باقىلاۋعا مٷمكٸندٸك بەرەدٸ. سونىمەن قاتار جٷيە تاپشىلىق تەۋەكەلدەرٸ مەن بەكٸتٸلگەن جەتكٸزۋ كەستەسٸنەن اۋىتقۋلاردى اۆتوماتتى تٷردە انىقتايدى.
ەنەرگەتيكا مينيسترٸ الداعى جىلىتۋ ماۋسىمىن تۇراقتى ٶتكٸزۋ ٷشٸن تەحنيكالىق جەنە ۇيىمداستىرۋشىلىق شارالار جالعاساتىنىن ايتتى. مينيسترلٸك ەنەرگەتيكا جەنە كوممۋنالدىق شارۋاشىلىق نىساندارىن كٷزگٸ-قىسقى كەزەڭگە دايىنداۋ جۇمىستارىن تولىق اياقتاۋدى قامتاماسىز ەتپەك.
