جٷرەكتٸڭ يشەمييالىق اۋرۋى (جيا) بٷكٸل ەلەم بويىنشا ٶلٸم-جٸتٸم سەبەپتەرٸ اراسىندا جەتەكشٸ ورىن الادى. بۇل اۋرۋ جٷرەك بۇلشىقەتٸنٸڭ (ميوكاردتىڭ) قانمەن قامتاماسىز ەتٸلۋٸنٸڭ بۇزىلۋىنا بايلانىستى وتتەگٸ مەن قورەكتٸك زاتتاردىڭ جەتكٸلٸكسٸز تٷسۋٸنەن داميدى. ونىڭ نەگٸزگٸ سەبەبٸ – كورونارلىق تامىرلاردىڭ تارىلۋى. كارديولوگييا جەنە ٸشكٸ اۋرۋلار عىلىمي-زەرتتەۋ ينستيتۋتىنىڭ كونسۋلتاتسييالىق-دياگنوستيكالىق ورتالىعىنىڭ كارديولوگ دەرٸگەرٸ, مەديتسينا عىلىمدارىنىڭ كانديداتى گٷلنار ۋدەرباەۆانىڭ ايتۋىنشا, نەگٸزگٸ سەبەپتەردٸڭ بٸرٸ – كورونارلىق ارتەرييالاردىڭ ەرتٷرلٸ دەرەجەدەگٸ اتەروسكلەروزى. سونداي-اق كورونارلىق ارتەرييالاردىڭ تٷيٸلۋٸ جەنە ميوكاردتاعى ميكروتسيركۋلياتسييانىڭ بۇزىلۋى دا ەسەر ەتەدٸ. جيا دامۋىنا جوعارى قان قىسىمى, حولەستەرين دەڭگەيٸنٸڭ جوعارى بولۋى, قانت ديابەتٸ, سوزىلمالى بٷيرەك اۋرۋلارى, سونداي-اق تەمەكٸ شەگۋ سيياقتى فاكتورلار ىقپال ەتەدٸ, دەپ حابارلايدى dalanews.kz.
جيا نەگٸزگٸ بەلگٸسٸ – تٶس ارتىنداعى نەمەسە جٷرەك تۇسىنداعى قىسىپ, جانشىپ اۋىرسىنۋ. اۋرۋدىڭ سوزىلمالى تٷرٸندە اۋىرسىنۋ الدىمەن فيزيكالىق جٷكتەمە كەزٸندە پايدا بولىپ, ۋاقىت ٶتە كەلە وعان تٶزٸمدٸلٸك تٶمەندەيدٸ. ال جەدەل تٷرٸندە ميوكارد ينفاركتٸ نەمەسە ينفاركت الدىنداعى جاعداي دامۋى مٷمكٸن.
ۇستاما كەزٸندە ناۋقاستا كەلەسٸ بەلگٸلەر بولۋى مٷمكٸن: كەۋدە تۇسىنداعى اۋىرسىنۋ نەمەسە كٷيدٸرۋ سەزٸمٸ, جاۋىرىن استىندا, ارقادا اۋىرسىنۋ, كەۋدەدەگٸ اۋىرلىق سەزٸمٸ, جٷرەكتٸڭ «توقتاپ قالعانداي» سەزٸمٸ, جٷرەك قاعۋى, ەنتٸگۋ, ەلسٸزدٸك, جٷرەك اينۋ, باس اينالۋ, ەستەن تانۋ جەنە تەرشەڭدٸك.
جٷرەك تۇسىنداعى اۋىرسىنۋ كەيدە فيزيكالىق جٷكتەمەدەن كەيٸن تولىق باسىلۋى مٷمكٸن. ال ميوكارد ينفاركتٸ نەمەسە تۇراقسىز ستەنوكاردييا كەزٸندە شاعىمدار تىنىشتىقتا پايدا بولىپ, ۇزاق ۋاقىتقا (ونداعان مينۋتتاردان بٸرنەشە ساعاتقا دەيٸن) سوزىلادى.
جيا باياۋ, جىلدار بويى دامۋى مٷمكٸن. كەيبٸر ناۋقاستاردا بۇل اۋرۋ ەشقانداي بەلگٸسٸز ٶتەدٸ. جٷرەك قىزمەتٸندەگٸ بۇزىلىستاردىڭ نەمەسە جيا اۋىر تٷرلەرٸنٸڭ الدىن الۋ ٷشٸن دەرٸگەرگە ۋاقىتىندا قارالىپ, تەكسەرۋدەن ٶتۋ قاجەت.
قان تامىرلارىنىڭ ساۋلىعىن ساقتاۋ ٷشٸن قاۋٸپ فاكتورلارىن جويۋ ماڭىزدى: تەمەكٸدەن جەنە الكوگولدەن باس تارتۋ, قان قىسىمىن باقىلاۋ, «زيياندى» حولەستەرين دەڭگەيٸن قالىپقا كەلتٸرۋ, ىستالعان, مايلى, قۋىرىلعان جەنە تۇزدى تاعامداردى شەكتەۋ. سونىمەن قاتار بەلسەندٸ ٶمٸر سالتىن ۇستانۋ قاجەت: ورتاشا دەنە جٷكتەمەسٸ, ەمدٸك گيمناستيكا, تاڭعى جاتتىعۋ, جاياۋ سەرۋەندەۋ, جٷزۋ جەنە بي.
