وقۋ-جاتتىعۋدىن باسشىلىعى جەزقازعان قالاسىنان جۇزەگە اسىرىلدى. وقۋ - جاتتىعۋ كەزەڭدەرى تاسىمالداعىش زىمىرانداردىڭ ۇشۋ تراسساسىنىڭ بويىندا ورنالاسقان وڭىرلەردە ءوتتى: اقمولا، اقتوبە، شىعىس قازاقستان، قاراعاندى، قوستاناي، قىزىلوردا، پاۆلودار، سولتۇستىك قازاقستان وبلىستارىنىڭ، نۇر-سۇلتان قالاسىنىڭ اۋماعىندا.
وقۋ-جاتتىعۋدىڭ ءبىرىنشى كۇنى اۆاريالىق-قۇتقارۋ قىزمەتتەرىنىڭ كۇشتەرى مەن قۇرالدارىن باسقارۋ ورگاندارىن حاباردار ەتۋ، جيناۋ جانە ولاردىڭ ازىرلىگىن تەكسەرۋ بويىنشا ءىس-شارالار پىسىقتالدى.
ەكىنشى كەزەڭدە پراكتيكالىق ءىس-قيمىلدار جۇرگىزىلدى. سونىمەن، وقۋ-جاتتىعۋدىڭ جوسپارى بويىنشا «پروتون-م» زىمىران تاسىعىشىن ۇشىرۋ كەزىندە شتاتتان تىس جاعداي ورىن الدى. اپات سالدارىنان تاسىمالداعىش زىمىران اۋەدە قۇلاپ، جەزقازعان قالاسىنىڭ تالاپ اۋىلدىق وكرۋگىنىڭ اۋماعىنا ۇشۋ اپپاراتىنىڭ كوپتەگەن بولىكتەرى قۇلادى.
اپات بولعان جەردە ەلدى مەكەنگە كوشۋ قاۋپىمەن دالا ءورتى پايدا بولدى. سونداي-اق، زىمىران تاسىعىشتىڭ قۇلاۋى كەزىندە زىمىران وتىنىنىڭ ءىشىنارا توگىلۋى ورىن الدى. سونىمەن قاتار، زىمىران قۇلاعان جەردە جانۋارلاردىڭ ءولىمى فاكتىلەرى انىقتالدى.
توتەنشە جاعدايدىڭ تۋىنداعانى تۋرالى بەلگى العاننان كەيىن اۆاريالىق-قۇتقارۋ قىزمەتتەرىن حابارلاندىرۋ جانە جيناۋ بويىنشا ءىس-شارالار جۇرگىزىلدى، تج ايماعىن قورشاۋ، تج ايماعىنا رادياسيالىق-حيميالىق بارلاۋ جۇرگىزۋ بويىنشا گەپتيلدىڭ بولۋىن، ءقاۋىپتى ايماقتىڭ مولشەرىن جانە جەلدىڭ باعىتىن ايقىنداۋ تۇرعىسىنان پراكتيكالىق ءىس-شارالار پىسىقتالدى.
سونىمەن قاتار، زىمىران وتىنى قۇراۋىشتارىمەن زالالدانعان اۋماقتاردى بەيتاراپتاندىرۋ، ءورت وشاقتارىن ءسوندىرۋ، قيراعان عيماراتتاردىڭ ۇيىندىلەرىن تالداۋ، زارداپ شەككەندەردى ىزدەۋ جانە قۇتقارۋ، جاقىن ماڭداعى ەلدى مەكەننىڭ تۇرعىندارىن ەۆاكۋاسيالاۋ بويىنشا پراكتيكالىق ءىس-شارالار وتكىزىلدى.
«زىمىران-2021» ركشوج قورىتىندىسى بويىنشا وقۋ-جاتتىعۋ باسشىلىعى باسقارۋ ورگاندارى مەن ازاماتتىق قورعاۋ كۇشتەرىنىڭ جوعارى ازىرلىگىن قامتاماسىز ەتۋ بويىنشا ناقتى نۇسقاۋلار بەردى.
جىل سايىن «بايقوڭىر» عارىش ايلاعىنان 20-عا جۋىق زىمىران ۇشىرۋ جۇزەگە اسىرىلادى. تاسىمالداعىش زىمىرانداردىڭ قۇلاۋىمەن بايلانىستى اۆاريالاردىڭ ەڭ كوپ سانى قاراعاندى وبلىسىنىڭ اۋماعىندا بولدى: 1993ج، 1996ج، 1997ج، 1999ج (2 جاعداي)، 2007ج، 2018ج. سوڭعى اپاتتار پروتون زىمىراندارىنىڭ قۇلاۋىمەن بايلانىستى.
زىمىران تاسىعىشتاردىڭ قۇلاۋىمەن بايلانىستى ىقتيمال اپاتتارعا دايىندىق ەرەكشە باقىلاۋدا.
