لەززات يبراگيموۆا زەينەتاقى جيناعىن الۋعا مٷمكٸندٸك بەرەتٸن ونلاين-پورتال 8 قاڭتاردا ٸسكە قوسىلاتىنىن ايتتى.
"قاعاز-قۇجات رەسمي رەسٸمدەلٸپ, بٷگٸن بارلىعىنا تولىق قول قويىپ ٷلگەرسەك 8 قاڭتاردا پورتالدى ٸسكە قوسامىز", – دەدٸ ول فەيسبۋكتەگٸ تٸكەلەي ەفير بارىسىندا.
ونىڭ ايتىپ ٶتكەنٸندەي سالىمشىلارعا زەينەتاقىسىن الۋ ٷشٸن ارنايى شوت اشۋ كەرەك. شوتتى پورتالدا ونلاين اشۋعا بولادى. بانك باسشىسى حالىققا بجزق-داعى جيناعىن شەشٸپ الماس بۇرىن, اسىقپاي ويلانۋعا كەڭەس بەردٸ.
"جۇمىسقا كەلگەندە شەكتەۋ جوق. ٶتٸنٸش بەرۋ 8 قاڭتارمەن توقتاپ قالمايدى. ارىزدى اسىقپاي-اپتىقپاي بەرۋٸڭٸزگە دە بولادى. ٷلگەرەسٸز. بۇل ٸس جىل اياعىنا دەيٸن جالعاسادى. يپوتەكاسىن تەزدەتٸپ جاپقىسى كەلەتٸن ازاماتتاردى تٷسٸنۋگە بولادى. ەيتكەنمەن ٷي مەسەلەسٸ ويىنشىق ەمەس. بارلىعىن بايىپتاپ بارىپ شەشٸم قابىلداعانىڭىز جٶن.
مەن بٸلسەم, بۇل باعدارلاما بۇدان بىلاي تۇراقتى تٷردە جالعاسادى. سوندىقتان اسىعۋدىڭ قاجەتٸ جوق", – دەدٸ ول.
"وتباسى بانك" زەينەتاقى جيناعىنىڭ بەلگٸلٸ بٶلٸگٸن مەرزٸمٸنەن بۇرىن شەشٸپ الۋ جۇمىسىنا جاۋاپتى وپەراتور. بۇدان بۇرىن بانك قاڭتاردىڭ باسىندا ارنايى سايتتى ٸسكە قوساتىنىن حابارلاعان. ارىز بەرۋ ٷشٸن ازاماتتاردىڭ ەلەكتروندى-ساندىق قولتاڭباسى بولۋى قاجەت ەكەنٸن ايتقان.
سونىمەن قاتار "وتباسى بانكٸنە" - بٸرجولعى زەينەتاقى تٶلەمدەرٸن اۋدارۋ ٷشٸن جەكە تۇلعالاردىڭ اعىمداعى بانك شوتتارىن اشۋعا جەنە جٷرگٸزۋگە رۇقسات بەرٸلدٸ.
زەينەتاقى تٶلەمدەرٸن قازاقستان رەسپۋبليكاسىنىڭ زاڭناماسىندا بەلگٸلەنگەن ماقساتتارعا عانا (تۇرعىن ٷي جاعدايىن جاقسارتۋ, ەمدەلۋگە اقى تٶلەۋ), ولاردى ارنايى اعىمداعى شوتتان نىسانالى ماقساتىنا اۋدارۋ جولىمەن پايدالانۋعا بولادى.
بٸرجولعى زەينەتاقى تٶلەمدەرٸنە ارنالعان ارنايى شوت - تۇرعىن ٷي جاعدايىن جاقسارتۋ جەنە (نەمەسە) ەمدەلۋ ماقساتتارىنا بٸرىڭعاي جيناقتاۋشى زەينەتاقى قورىنان بٸرجولعى زەينەتاقى تٶلەمدەرٸن اۋدارۋ ٷشٸن الۋشىمەن اشىلاتىن اعىمداعى بانك شوتى.
«بۇل زەينەتاقى قورىنىڭ سالىمشىسىنا قاراجات ارنايى اعىمداعى شوتقا اۋدارعاننان كەيٸن زەينەتاقى جيناعىنىڭ قاۋٸپسٸزدٸگٸنە سەنٸمدٸ بولۋعا مٷمكٸندٸك بەرەتٸن بٸرەگەي زاڭنامالىق باستاما.
قاراجات بارىنشا قورعالاتىن بولادى, ولاردى سالىمشىنىڭ ٶزگە قارىزدىق مٸندەتتەمەلەرٸ شەڭبەرٸندە ەشبٸر نەسيە بەرۋشٸ ەسەپتەن شىعارا المايدى.
اتالمىش قاراجاتتى سالىق بەرەشەگٸ بويىنشا ٶندٸرٸپ الۋ مٷمكٸن ەمەس, تٸپتٸ بۇل اقشا مٷلٸكتٸ تەركٸلەۋ تۋرالى سوت ٷكٸمدەرٸنەن دە قورعالعان. وسىلايشا, ەشبٸر ٷشٸنشٸ تۇلعا ولاردى تالاپ ەتە المايدى», - دەدٸ لەززات يبراگيموۆا, «وتباسى بانك» اق باسقارما تٶرايىمى.
بٸرجولعى زەينەتاقى تٶلەمدەرٸ اۋدارىلاتىن ارنايى اعىمداعى شوتتى «جسسب24» موبيلدٸ قوسىمشاسى ارقىلى جەنە «وتباسى بانك» اق سايتىنداعى بەينەقوڭىراۋ قىزمەتٸ ارقىلى اشۋعا بولادى. سەيكەسٸنشە, ٶتٸنٸش بەرۋشٸلەرگە بانك بٶلٸمشەلەرٸنە بارۋدىڭ قاجەتٸ جوق. مۇنداي شوتتى اشۋعا بايلانىستى وپەراتسييالاردىڭ بارلىعىن ونلاين جٷزەگە اسىرۋعا بولادى.
ارنايى شوت اشپاي تۇرىپ, قولجەتٸمدٸ سومانى قانداي ماقساتتا پايدالانعىڭىز كەلەتٸنٸن انىقتاپ العان جٶن. ونى «وتباسى بانك» اق قۇراستىرعان ونلاين پلاتفورمادا جاساۋعا بولادى. ٶتٸنٸمدەردٸ ونلاين پلاتفورمادا ەرەجەلەر بەكٸتٸلگەننەن كەيٸن بەرۋگە بولادى.
ايتا كەتەلٸك, پرەزيدەنت توقاەۆ 2021 جىلدىڭ 2 قاڭتار كٷنٸ قازاقستاندىقتارعا زەينەتاقى جيناقتارىنىڭ بٸر بٶلٸگٸن مەرزٸمٸنەن بۇرىن پايدالانۋعا مٷمكٸندٸك بەرەتٸن زاڭعا قول قويدى.
Dalanews.kz زەينەتاقىنى مەرزٸمٸنەن بۇرىن الۋدا “جەتكٸلٸكتٸلٸك شەگٸ” تٶمەندەگەنٸن حابارلاعان.
ماقالا "وتباسى بانكٸنٸڭ" باسپاسٶز قىزمەتٸ ۇسىنعان مەلٸمەت نەگٸزٸندە ەزٸرلەندٸ
https://dalanews.kz/talqylanuda/59288-zeynetaqyny-merziminen-buryn-alu-zhet
