«بجزق-داعى كەمشىلىكتەردى جويامىز، اقشانى پايدالانۋ بويىنشا ىشكى باقىلاۋ جۇيەسىن كۇشەيتەمىز. الايدا، ەڭ ماڭىزدىسى بار. قازىرگى كەزدە ادامدار اراسىندا جيناقتاۋ جۇيەسىنە دەگەن كۇمانمەن قاراۋ ماسەلەسى تۇر»، – دەدى ۇلتتىق بانك ءتوراعاسى «كازاحستانسكايا پراۆدا» گازەتىنە بەرگەن سۇحباتىندا.
– ينۆەستيسيا سالۋ مودەلىن تاڭداۋدا باسەكەلەستىك پرينسيپتەرىن قالپىنا كەلتىرگەندەي، زەينەتاقى اكتيۆتەرىن باسقارۋ ينستيتۋتتارىندا سولاي ەتۋ كەرەك. ءقازىر سالىمشىلار الدىندا تاڭداۋ جوق. زەينەتاقى جيناقتارى بجزق-عا اۋدارىلادى. زەينەتاقى قارجىلارىن باسقاراتىن ۇيىمدى تاڭداۋ جانە ينۆەستيسيالىق ستراتەگيا تاڭداۋ مۇمكىندىك قاراستىرىلماعان. مەملەكەت سالىمشىلار ءۇشىن دە بارلىعىن ءوزى رەتتەپ، تاۋەكەلگە بارادى. سوندىقتان، ءبىز، زەينەتاقى اكتيۆتەرىن باسقارۋ فۋنكسياسىن جەكە نەمەسە شەتەلدىك كومپانيالارعا بەرۋ تۋرالى ەلباسى تاپسىرماسىن جۇزەگە اسىرۋ بويىنشا بەلسەندى جۇمىس جۇرگىزىپ جاتىرمىز. ۇلتتىق بانك زەينەتاقى اكتيۆتەرى نارىعىندا باسەكەلەستىك بولۋىن، سالىمشىلارعا تاڭداۋ ۇسىنۋ ماسەلەسىن قولداعان. ءبىز وسى باعىتتا جۇمىس جاساپ جاتىرمىز، – دەدى د.اقىشيەۆ.
دەرەككوزى: قازاقپارات
