Zeinetaqy júiesinde baqylaý kúsheiip, kemshilik joiylmaq
«BJZQ-daǵy kemshilikterdi joiamyz, aqshany paidalaný boiynsha ishki baqylaý júiesin kúsheitemiz. Alaida, eń mańyzdysy bar. Qazirgi kezde adamdar arasynda jinaqtaý júiesine degen kúmánmen qaraý máselesi tur», – dedi Ulttyq bank tóraǵasy «Kazahstanskaia pravda» gazetine bergen suhbatynda.
– Investitsiia salý modelin tańdaýda básekelestik printsipterin qalpyna keltirgendei, zeinetaqy aktivterin basqarý institýttarynda solai etý kerek. Qazir salymshylar aldynda tańdaý joq. Zeinetaqy jinaqtary BJZQ-ǵa aýdarylady. Zeinetaqy qarjylaryn basqaratyn uiymdy tańdaý jáne investitsiialyq strategiia tańdaý múmkindik qarastyrylmaǵan. Memleket salymshylar úshin de barlyǵyn ózi rettep, táýekelge barady. Sondyqtan, biz, zeinetaqy aktivterin basqarý fýnktsiiasyn jeke nemese sheteldik kompaniialarǵa berý týraly Elbasy tapsyrmasyn júzege asyrý boiynsha belsendi jumys júrgizip jatyrmyz. Ulttyq bank zeinetaqy aktivteri naryǵynda básekelestik bolýyn, salymshylarǵa tańdaý usyný máselesin qoldaǵan. Biz osy baǵytta jumys jasap jatyrmyz, – dedi D.Aqyshev.
Derekkózi: Qazaqparat
