ٸليياس جانسٷگٸروۆ اتىنداعى جەتٸسۋ ۋنيۆەرسيتەتٸنە يتالييا رەسپۋبليكاسىنىڭ ماركە پوليتەحنيكالىق ۋنيۆەرسيتەتٸنٸڭ (UNIVPM) رەكتورى ەنريكو كۋالياريني باستاعان دەلەگاتسييا كەلدٸ. دەلەگاتسييانى ۋنيۆەرسيتەت رەكتورى ەرمەك بٶرٸباەۆ قابىلداپ, ەكٸ ەل اراسىنداعى بٸلٸم جەنە عىلىم سالاسىنداعى ىنتىماقتاستىقتى, جەتٸسۋ ۋنيۆەرسيتەتٸ بازاسىندا اشىلعان ماركە پوليتەحنيكالىق ۋنيۆەرسيتەتٸ فيلالىنىڭ دامۋى تۋرالى باياندادى. كەزدەسۋ بارىسىندا UNIVPM رەكتورى, پروفەسسور ەنريكو كۋالياريني جەتٸسۋ جەرٸنە كەلگەنٸنە قۋانىشتى ەكەنٸن جەتكٸزدٸ, دەپ حابارلايدى dalanews.kz.
"جەتٸسۋ ۋنيۆەرسيتەتٸمەن ىنتىماقتاستىقتى جوعارى باعالايمىز. بۇل سەرٸكتەستٸك ستۋدەنتتەر مەن وقىتۋشىلار ٷشٸن جاڭا مٷمكٸندٸكتەر اشىپ, ەكٸ ۋنيۆەرسيتەت اراسىنداعى بايلانىستى ودان ەرٸ نىعايتا تٷسەدٸ", – دەدٸ.
ەكٸ ۋنيۆەرسيتەت باسشىسى قوس ديپلومدى بٸلٸم بەرۋ باعدارلامالارىن ٸسكە اسىرۋ تۋرالى كەلٸسٸمگە قول قويدى. الداعى ۋاقىتتا "اقپاراتتىق جٷيەلەر – كومپيۋتەرلٸك ينجەنەرييا جەنە اۆتوماتتاندىرۋ" (باكالاۆريات), "ەكونوميكا – ەلەمدٸك ەكونوميكا جەنە كوممەرتسييا" جەنە "اۋىل شارۋاشىلىعى عىلىمدارى مەن تەحنولوگييالارى – جەر جەنە اۋىل شارۋاشىلىعى عىلىمدارى" (ماگيستراتۋرا) باعدارلامالارى ەنگٸزٸلەتٸن بولدى.
رەسمي جيىندا پروفەسسور ەنريكو كۋاليارينيگە حالىقارالىق اكادەمييالىق ىنتىماقتاستىقتى دامىتۋعا قوسقان ٷلەسٸ ٷشٸن جەتٸسۋ ۋنيۆەرسيتەتٸنٸڭ "قۇرمەتتٸ پروفەسسورى" اتاعى بەرٸلدٸ.
دەلەگاتسييا ۋنيۆەرسيتەتتٸڭ عىلىمي-زەرتتەۋ ينفراقۇرىلىمى, UNIVPM فيليالىنىڭ جۇمىسى جەنە زاماناۋي زەرتحانالاردىڭ قىزمەتٸمەن تانىستى. «اگرونومييا» قوس ديپلومدى بٸلٸم بەرۋ باعدارلاماسىنىڭ ستۋدەنتتەرٸمەن كەزدەسۋ ٶتكٸزدٸ. كەزدەسۋ بارىسىندا باعدارلامانىڭ جٷزەگە اسىرىلۋ نەتيجەلەرٸ تانىستىرىلدى. جاڭا وقۋ جىلىندا اتالعان باعدارلاما بويىنشا العاشقى بەس ستۋدەنت بٸلٸمٸن جالعاستىرۋ ٷشٸن يتالييانىڭ انكونا قالاسىنداعى ماركە پوليتەحنيكالىق ۋنيۆەرسيتەتٸنە بارادى. بيىل «اگرونومييا» بٸلٸم بەرۋ باعدارلاماسىنىڭ 12 ستۋدەنتٸ يتاليان تٸلٸنەن قارقىندى كۋرستى اياقتاپ, سەرتيفيكاتتارعا يە بولدى.
كەزدەسۋ اياسىندا ۋنيۆەرسيتەت رەكتورلارى بولاشاق ۇرپاققا ارنالعان ٷندەۋ حاتتار ساقتالعان ۋاقىت كاپسۋلاسىن ورناتىپ, ماركە فيليالى اللەياسىنا اعاش وتىرعىزدى. بۇل باستامالار بٸلٸم مەن عىلىمداعى حالىقارالىق ەرٸپتەستٸكتٸڭ نىعايۋىن, ۇرپاقتار ساباقتاستىعىن جەنە بولاشاققا دەگەن ورتاق سەنٸمدٸ ايشىقتاي تٷستٸ.
