داۆوستا ٶتكەن دٷنيەجٷزٸلٸك ەكونوميكالىق فورۋمدا ۋكراينا پرەزيدەنتٸ ۆلاديمير زەلەنسكيي سوعىس, ەۋروپانىڭ قاۋٸپسٸزدٸگٸ جەنە رەسەيگە قارسى جاۋاپكەرشٸلٸك مەسەلەلەرٸنە قاتىستى بٸرقاتار قاتاڭ مەلٸمدەمە جاسادى, دەپ حابارلايدى Dalanews.kz.
زەلەنسكييدٸڭ ايتۋىنشا, ۋكراينانىڭ تەۋەلسٸزدٸگٸ تەك بٸر ەلدٸڭ تاعدىرى ەمەس, بٷكٸل ەۋروپانىڭ بولاشاعىنا تٸكەلەي بايلانىستى.
«بٷگٸن ۋكراينانى قورعاۋ – ەرتەڭ ٶز ٶمٸر سالتتارىڭىزدى قورعاۋ دەگەن سٶز», – دەدٸ ول ەلەمدٸك ەليتاعا ٷندەۋ جاساپ.
ۋكراينا پرەزيدەنتٸ ۆەنگرييا پرەمەر-مينيسترٸ ۆيكتور ورباندى دا سىنعا الدى.
«ەۋروپانىڭ اقشاسىنا ٶمٸر سٷرٸپ, سول ۋاقىتتا ەۋروپالىق مٷددەنٸ ساتقىسى كەلەتٸن ەربٸر “ۆيكتور” جاۋاپكەرشٸلٸككە لايىق. ەگەر وعان مەسكەۋدە جايلى بولسا, ەۋروپا استانالارىن “مەسكەۋگە” اينالدىرۋعا جول بەرۋگە بولمايدى», – دەدٸ زەلەنسكيي.
ول ەۋروپانىڭ قاۋٸپسٸزدٸگٸ تىم ەلسٸز كٷيدە ەكەنٸن اتاپ ٶتتٸ. زەلەنسكييدٸڭ سٶزٸنشە, بٷگٸندە ەۋروپا ناتو اراشا تٷسەدٸ دەگەن سەنٸممەن عانا ٶمٸر سٷرٸپ وتىر, الايدا اليانستىڭ ناقتى سوعىس جاعدايىنداعى ەرەكەتٸ ەشقاشان سىنالعان ەمەس.
«ەگەر پۋتين ليتۆانى باسىپ السا نەمەسە پولشاعا سوققى جاساسا, ناقتى كٸم جاۋاپ بەرەدٸ?» – دەدٸ ول.
ۋكراينا پرەزيدەنتٸ رەسەي ارميياسىنىڭ قازٸرگٸ جاعدايىنا دا توقتالدى. ونىڭ ايتۋىنشا, بٸر جىل ٸشٸندە رەسەيلٸك ەسكەردٸڭ اي سايىنعى شىعىنى 14 مىڭنان 35 مىڭ ادامعا دەيٸن ارتقان.
«ۋكراينا بۇل سوعىستا جەڭٸلمەيدٸ. ولار ٶز ٷيلەرٸ, وتباسىلارى مەن بوستاندىعى ٷشٸن شايقاسىپ جاتىر», – دەدٸ زەلەنسكيي.
ول رەسەيدٸڭ ازاماتتىق نىساندارعا ەدەيٸ سوققى جاساپ وتىرعانىن اتاپ ٶتتٸ.
«ولار قىمبات زىمىرانداردى مايدانعا ەمەس, اۋرۋحانا, بالاباقشا مەن ەنەرگەتيكالىق ينفراقۇرىلىمعا باعىتتايدى. بۇل – رەسەيدٸڭ بەت-بەينەسٸ», – دەدٸ ول.
زەلەنسكيي ەۋروپانى رەسەي باسشىلىعىن جاۋاپقا تارتۋدا باياۋ ەرەكەت ەتتٸ دەپ سىنادى.
«كەزدەسۋلەر كٶپ ٶتتٸ, بٸراق ناقتى جۇمىس ٸستەيتٸن تريبۋنال ەلٸ قۇرىلمادى. بۇعان ۋاقىت جەتٸسپەي مە, ەلدە ساياسي ەرٸك جوق پا?» – دەدٸ ول.
ايتا كەتەيٸك, وسى مەلٸمدەمەدەن كەيٸن ەكٸ ساعات ٶتپەي ەۋرووداق رەسەيگە ارنالعان ارنايى تريبۋنال قۇرۋعا العاشقى 10 ملن ەۋرو بٶلدٸ.
زەلەنسكيي ۋكراينا تەۋلٸگٸنە مىڭعا جۋىق درون-ۇستاعىش شىعاراتىنىن, الايدا بۇل جەتكٸلٸكسٸز ەكەنٸن ايتتى. ونىڭ سٶزٸنشە, رەسەي كٷنٸنە شامامەن 500 يراندىق درون مەن ونداعان زىمىران قولدانادى.
ۋكراينا پرەزيدەنتٸ يرانداعى رەجيمنٸڭ ساقتالۋىن ەلەم ٷشٸن قاۋٸپتٸ سيگنال دەپ اتادى.
«ەگەر رەجيم امان قالسا, بۇل بارلىق تيراندارعا: حالىقتى قانعا باتىرساڭ دا بيلٸكتە قالۋعا بولادى دەگەن بەلگٸ بولادى», – دەدٸ ول.
زەلەنسكيي رەسەيدٸڭ قارۋ-جاراق ٶندٸرٸسٸنە قاجەتتٸ بٶلشەكتەردٸ تەك قىتايدان عانا ەمەس, ەۋروپا, اقش جەنە تايۆان كومپانييالارىنان دا الىپ وتىرعانىن ايتتى.
«Patriot زىمىراندارى ٷشٸن راحمەت. بٸراق رەسەيگە قاجەت كومپونەنتتەردٸڭ جولىن كەسۋ ەلدەقايدا تيٸمدٸ بولماس پا ەدٸ?» – دەدٸ ۋكراينا باسشىسى.
زەلەنسكيي ەۋروپانى ەلسٸزدٸك تانىتتى دەپ سىناپ, ناقتى ەرەكەتكە شاقىردى.
«ەۋروپا ەلٸ دە ۇساق جەنە ورتا مەملەكەتتەردٸڭ جيىنتىعى سيياقتى كٶرٸنەدٸ. ال ترامپ مۇنداي ەۋروپانى تىڭدامايدى», – دەدٸ ول.
سونداي-اق رەسەي مۇنايى ەۋروپا جاعالاۋلارى ارقىلى تاسىمالدانىپ, ۋكرايناعا قارسى سوعىستى قارجىلاندىرىپ وتىرعانىن اتاپ ٶتتٸ.
«پۋتيننٸڭ اقشاسى بولماسا – سوعىس تا بولمايدى», – دەدٸ زەلەنسكيي.
ۋكراينا پرەزيدەنتٸنٸڭ ايتۋىنشا, ەگەر ۋكراينا ناتو مٷشەسٸ بولعاندا, قىرىم ماڭىنداعىداي گرەنلاندييا ماڭىندا دا رەسەيلٸك كەمەلەر جٷرمەس ەدٸ. ول ۋكراينا ەۋروپانىڭ قاۋٸپسٸزدٸگٸن كٷشەيتۋگە ناقتى ٷلەس قوسا الاتىنىن مەلٸمدەدٸ.
زەلەنسكيي بٷگٸن جەنە ارعى كٷنٸ باە اۋماعىندا ۋكراينا, اقش جەنە رەسەي ٶكٸلدەرٸنٸڭ ٷشجاقتى كەزدەسۋٸ ٶتۋٸ مٷمكٸن ەكەنٸن ايتتى.
«ەميرات بۇل تۋرالى بٸلەتٸن شىعار. كەيدە امەريكالىق تاراپتان توسىنسىيلار بولىپ تۇرادى», – دەدٸ ول.
زەلەنسكييدٸڭ سٶزٸنەن كەيٸن فورۋم زالى ورىندارىنان تۇرىپ ۇزاق قول سوقتى.
