اقسۋ قانت زاۋىتىنىڭ ٶندٸرٸستٸك قۋاتى 12 مىڭ توننانى قۇرايدى. ٶتكەن جىلى قازان ايىندا ٸسكە قوسىلعان زاۋىتتا وسى ماۋسىمدا 67 797 توننا قانت قىزىلشاسى ٶڭدەلٸپ, 4 مىڭ توننا قانت الىنعان.
اقسۋ قانت زاۋىتىنىڭ ديرەكتورى مۇرات تٶلەگەنوۆتٸڭ ايتۋىنشا, بيىل جاڭعىرتۋدىڭ بٸرٸنشٸ كەزەڭٸنەن كەيٸن 140 مىڭ توننا تەتتٸ تٷبٸر ٶڭدەۋگە مٷمكٸندٸك تۋماق. زاۋىتتا جومدى سىعىپ, قاپتايتىن تەحنولوگييالىق جەلٸنٸڭ ورناتىلىپ, ٸسكە قوسىلاتىنى وسى جىلدىڭ باستى جاڭالىعى بولماق.
– بٸز جومدى سىعىپ, قاپتايتىن يتاليياندىق قۇرال-جابدىق ساتىپ الىپ جاتىرمىز. ەگەر بۇرىن جوم 4 ايدان ارتىق ساقتالمايتىن بولسا, اتالمىش تەحنولوگييالىق جەلٸنٸ ساتىپ العاننان كەيٸن بۇل پايدالى مال ازىعى بٸر جىلعا دەيٸن ساقتالىنادى. قازٸر اقسۋ, سارقان, الاكٶل اۋداندارىندا بٸزدٸڭ دايىن ٶنٸمدەرٸمٸزدٸ ساتىپ الۋعا نيەت بٸلدٸرٸپ وتىرعان سٷت تاۋارلى فەرمالار, شارۋا قوجالىقتارى بار. تاۋار ٶتكٸزۋ نارىعىن ودان ەرٸ كەڭەيتۋ دە ويىمىزدا. سونىمەن قاتار زاۋىتتا بيىلعى جىلى سالماعى 25 پەن 50 كەلٸلٸك قانتتاردى قاپتايتىن 3 زاماناۋي جەلٸ ٸسكە قوسىلادى. سونداي-اق قۇرال-جابدىقتاردى جاڭعىرتۋ مەن جاڭاسىن ورناتۋ جۇمىستارى دا جٷرٸپ جاتىر. اتاپ ايتقاندا 5 تسەنتريفۋگا, ۆاكۋۋمدىق اپپارات, فيلترلەر, شىرىندار جيىنتىعى. ولارعا باسقارۋدىڭ اۆتوماتتى جٷيەسٸن ەنگٸزەمٸز, بۇل زاۋىتتىڭ بارلىق جۇمىستارى تۋرالى اقپاراتتاردى كومپيۋتەر ەكرانىنا جولداپ وتىرۋعا, ادامي فاكتوردى بولدىرماۋعا مٷمكٸندٸك جاسايدى, – دەدٸ م. تٶلەگەنوۆ.
كەلەسٸ جىلى اتقارىلاتىن ەكٸنشٸ كەزەڭدە جىلۋ ەلەكتر ورتالىعى جاڭعىرتىلىپ, وعان 4 جاڭا قازاندىق پەن تۋربينا ورناتىلماق. سول سيياقتى بۋ گەنەراتورلارى دا اۋىستىرىلادى. جالپى زاۋىتقا رەسەيلٸك, ۋكرايندىق, شۆەدتٸك, يتاليياندىق, گەرمانييالىق قۇرال-جابدىقتار دا قويىلماق.
م. تٶلەگەنوۆتٸڭ ايتۋىنشا, قازٸر زاۋىتتا 190 ادام ەڭبەك ەتەدٸ, كٶكتەمگٸ-جازعى ماۋسىمدا 250-280 ادام, ال ماۋسىمىنا 600 ادام جۇمىس ٸستەيدٸ.
وبلىستىڭ قانت قىزىلشاسىن ٶسٸرۋدٸ بۇدان ەرٸ دامىتۋ جوسپارلارىن ايتا كەلە وبلىس ەكٸمٸنٸڭ ورىنباسارى سەرٸكجان بەسكەمپٸروۆ ٶڭٸردٸڭ كٶكتەمگٸ ەگٸسكە دايىن ەكەنٸن اتاپ ٶتتٸ.
– قانت قىزىلشاسىنىڭ فرانتسۋزدىق جەنە نەمٸس تۇقىمى ساتىپ الىنىپ, ولار قازٸر ساراپتامادان ٶتكٸزٸلۋدە. 1 سەۋٸردەن باستاپ بۇل تۇقىمدار شارۋالارعا بەرٸلە باستايدى. سول سيياقتى بيىلعى جىلى سولياركا جەڭٸلدٸكپەن بەرٸلەدٸ. وعان وبلىس بويىنشا 6 وپەراتور بەلگٸلەنٸپ, جۇمىس ٸستەيدٸ. بارلىق اۋىل شارۋاشىلىعى تەحنيكالارى دايىن. بيىلعى جىلى ٶڭٸردە قانت قىزىلشاسىنىڭ القابىن 12 مىڭ گەكتارعا جەتكٸزۋدٸ جوسپارلاپ وتىرمىز. اقسۋ قانت زاۋىتىنىڭ بۇدان كەيٸنگٸ جۇمىسىنا كەلەتٸن بولساق, بيىلعى جىلى قىركٷيەكتە قانت قىزىلشاسىن قابىلداۋدى باستاپ, جاڭعىرتۋ جۇمىستارى اياقتالاتىن قازان ايىنان ٶڭدەۋ ٸسٸنە كٸرٸسەدٸ, – دەدٸ س. بەسكەمپٸروۆ.
اتاپ ٶتسەك, ٶتكەن جىلى الماتى وبلىسىندا قانت قىزىلشاسىنىڭ القابى 9,2 مىڭ گا, ال قانت قىزىلشاسىنىڭجالپى ٶنٸم جيىنتىعى 334 مىڭ توننا بولدى, كٶكسۋ جەنە اقسۋ قانت زاۋىتتارى 31 مىڭ توننا قانت شىعاردى.
الماتى وبلىسى ەكٸمٸنٸڭ باسپاسٶز قىزمەتٸ
https://dalanews.kz/34222
